جريمة لم تنفذ
✏️مريم عبدالله
نحجي هواي #عالدنيا
ونخلي الغلط بيهه
بس هو الغلط #بالناس
هي الدنيا شعليهه
***************************
الجنوب
صار ثلاث اسابيع وابن عمي سالم بالمستشفى اله يومين من طلع من الغيبوبه بس حسب كلام ابوي مايحجي شي شكد حاولو وياه وهو ساكت محد يعرف شبي وشنو صارله اسمع ابويه طلب من حامد يجيب مرته ويجي عبن محد يعرف شصاير وياه غيرها اكيد هيه تعرف من بعد عركتهم ليش هيج تخربط وصلني مسج من مصطفى كاتبلي شصار العالم وين ومصطفى وين يريد نستعجل بالعرس وانا حايره ماعرف شسوي وشكل لهلي كتبتله اذا تريد انت احجي وياهم ...اسمع حامد يصيح صاير هل فتره ولا يتحاجه خل اروحله قبل ما انعلس
حامد: خويه بساعج جهزيلي دشداشتي السوده والشماغ
سيلين: حاضر خويه شنهي هسه تروح
حامد: اي هسه
:جا خويه مو باجر
:هيه مال سوالف سيلين عدي شغل اخلصه واجيبها واجي عدج بعد سؤال ست
: العفو خويه مو قصدي هسه احضرلك غراضك
راحت سيلين ربع ساعه وجابتلي غراضي بدلت وطلعت بسرعه واني افكر بسالم عيونك يسالم بيها حجي هواي وهذا كله راح يتوضح باجر بس انه شلوون بيه وي هل مره ما اطيقنها سبحان الله مبين من شكلها ام مصايب مر الوكت لحد ما وصلت الهم انه ساحكلي باكيتين جكاير ولاحاس بروحي اهوجس وصلتلهم واستقبلني ابوها
السلام عليكم حجي
ابو ساره: وعليكم السلام اهلا وسهلا وليدي تفضل
: من بعد السلام والكلام كتله حجي انه اليوم جايك بوصيه من ابوي الشيخ ابو حسن
ابوساره: ولو احنا زعلانين منكم بس ابو حسن يمون وخاطره عزيز بشنو اكدر اساعدك
حامد: يعز شانك عمي اريدن احجي وي مريته ابن عمي سالم صارله مدة بالمستشفى ماعرف اذا عدكم علم لا
:افاا لا والله وليدي ماعدنا علم وانا اكول معقوله بنيتي تجي وتنذب اباب بيتي ولا احد يسال عنها واتصل محد يجاوب
: منك السموحه حجي اعذرنا التهينا بوكعة سالم عبن هو بنفس اليوم جابلكم مرته تخربط ودخل غيبوبه وما صحه منها غير امس واحنا ماعدنا علم بالخلاف الي صار بينه وبين مرته
ابوساره: خلاف ياخلاف بويه
حامد: جا شنهي المحروسه بنتك ماحجتلك
ابو ساره: الي عرفته واكعه من الدرج وجابها كم يوم ترتاح عدنا وبعد محد سال عليها
:من رخصتك حجي بلكي تصيحلها
شوي واشوفنها دخلت ذابه الحجاب عليها ذب والابسه العباة واطك بعلجها لامستحه ولا خجل ست اسنين صارلها عدنا ماتعلمت ولا شوي من عاداتنا وتقاليدنا استغفرك ربي نزلت راسي ورديت عليها السلام وجهتلها سؤالي
يابنت الناس شنهي الخلاف الدار بينج وبين ابن عمي
ساره: ياخلاف دادا منو كلك هل حجي
حامد: عمي ابو سالم
ساره: اي صحيح تعاركنا وانتهت بيومها واجيت لهلي ارتاح لان وكعت من الدرج مكاللكم سالم
أنت تقرأ
جريمة لم تنفذ
Mystery / Thrillerفي دروب تملؤها الاشواك سرتُ حافية القدمين اتجرع الألم دون وعين مني ذاهبة نحو المجهول! متحدية الاعراف والتقاليد التي اسرت بها منذُ سنين متمردة ، نعم انا المتمردة التي حاربها الجميع ولم ينصرها سوى ذاتها المنكسرة
