جريمة لم تنفذ
🖋️مريم عبدالله
انا لا اعلم ما يقول المغرب للسماء فتحمر خجلا
لتسرع متلحفتاً بسواد الليل سترا
المغرب شيسولف والسمة يخجلها
مابقة كلمة والها ما كايلها
توعدني مثل المذنب العود يتوب
يومية ينوي وتوبتة يأجلها
واعذرها ادري بلا عذر ازعل ليش
وانتظر تغرك بيه وادري انه الكيش
ادفن بنحرج وجهي لو يوم الكاج
محتاج اموت وعطرج اخر ..افييش
جن مقتدر من يلكة شي بي مهووس
يشريه كبل من لا يكلولة ابيش
من بعد ماراح حامد واكفه بحيرتي فززني صوت هورن السيارة رحت صعدت والهدوء سيد الموقف انه حيرانه بإلين وافكر بحامد وكلامه وضعه بس وانمار همين ساكت وصلت للبيت اول شي سويته اتصلت بالبنات سويت مكالمه جماعيه وحجيتلهم كلشي صار وي حامد بس جزء اعترافه الي احتفظت بي لنفسي
:وهسه شتكولن؟
نواره: شوفي حبيبي خلي إلين هسه متعرف بشي انتِ بنفسج جاي تكولين شكد عانت على ماكدرت توكف على رجليها وهو صارله سنين ماحصلها هسه عود يندلها حتى لو عرفو برائتها شنو موقفها كدام الناس بنيه صارلها سنين مختفيه اني اكول افضل متعرف ويعني حاليا هاي اول فرحه الها من سنين لانخربها عليه
:واني وي كلام نواره افضل متعرف حاليا خل تستقر حياتها وانتِ اذا عرفتي شي جديد على اساسه انشوف نبلغها لو لا
لمار: تمام مراح احجي شي هسه وهو مدام اجى وحجالي اكيد اذا صار شي بعد يحجيلي
:ايييي عيوني شكوو الشيييخ حامد بشحمه ولحمه المتغطرس اجى وحجه وياج
لمار:هاا وانه شمدريني شفته بالباب واكف واصر يحجي وياي وحجالي الصار
:ايي وماكو شي منا منا
: لا ماكو بس هو حاس بذنب لان شاك بيه انه مشردتها
:هههه جا من يدري انتِ صدك مشردتها شيسوي
:شسويله انه انقذت نفس وإلين روحي من دنيا شون ماساعدها .......خلصت اتصالي وياهم وگوه قنعتهم ماكو شي
حامد: صار الليل وانه حاير بروحي وين اروحن وشلون اگابل وجه امي شون احطن عيني بعينها بعد الصار انتظرت ينامون واروحن دخلت البيت صنطه ماكو حس هسه نص الليل نايمين كعدت بالمجلس ورثت جكارتي جكاره تسحب جكاره طر النهار وانه عيني ما غمضت فكره تروح ولاخ تجي افكر هسه هيه من طلعت من البيت وين راحت وانه كل فكري هسه وياه جا اذا مو وي هذا الولد هاي البت وين راحت فص ملح وذاب منو الها تروحله عدله ميته الله العالم بحالها لميت فراشي واخذت غراضي وطلعت من البيت ماريدن اشوفن وجه امي وابويه طلعت افتر بسياره بلجن احصلي خيط يوصلني الها رجعت اعيد حساباتي من اول مصارت السالفه لهذا اليوم..........
*************
بغداد
إلين :مر اسبوع على الخطبه واني احس داعيش احلى ايام عمري وكل يوم احمد الله واشكره على العوض الي رزقني بي اليوم رحنا كملنا امور عقد المحكمه نتمشى ايد بايد بعد ما طلعنا من المحكمه التفتلي آسر جان يكول
آسر:متمردتي هاقد تمردتي على قلبي واشعلتي فؤادي بنيران هيامكِ
إلين: باوعتله بعيون تلمع من الفرح والابتسامه على وجهي شددت قبضة ايدي على ايده وكتله
قد زرعت بقلبي ثمرة حبك والثمرة اصبحت شجرة
مسك ايدي رفعها وباسها كملنا طريقنا تفاجئت من وكفت السياره
أنت تقرأ
جريمة لم تنفذ
Mystery / Thrillerفي دروب تملؤها الاشواك سرتُ حافية القدمين اتجرع الألم دون وعين مني ذاهبة نحو المجهول! متحدية الاعراف والتقاليد التي اسرت بها منذُ سنين متمردة ، نعم انا المتمردة التي حاربها الجميع ولم ينصرها سوى ذاتها المنكسرة
