جريمة لم تنفذ
✏️مريم عبدالله
لاتحزن بعد وتبچي على الراح
وعوف ادموع عينك لا تبديهه
ووگف على الجرح لاتصرخ وياه
وراح اكتب قصيدة والك اهديهَ
مدينة الم روحي لاتظــن ترتاح
وانه ابن المدينة وتيهت بيه
يل عندك جرح وتگلي مجروح
انه جروحي فاضت وين اودّيه
🦋الجنووب
سالم: من يوم ما وكعت على راسي مصيبة ساره وانه فكري وعقليتي كلها تخربطت عدت ترتيب افكاري وحياتي الي صار عقوبة رب العالمين اليه انه تسببت بموت إلين واتهامها بسالفة هيه مالها علاقه بيها رب العالمين عادل عاقبني نفس العقوبه خيانت زوجتي الي ومن ذاك الوكت وانه قررت اعدل حياتي انهديت والتزمت بصلاتي عسى ولعل ربي يغفرلي وإلين تسامحني لحد هسه طيفها ما يتركني يلاگني بكل مكان وبكل لحظه كل ما اصفن احاول اربط خيوط الحادث حامد شلون عرف شلون شاف الصور انه مادزيتهن اله شكيت بيها صحيح وهددتها مرتين وبعدها كتشفت مالها ذنب والصار سوء فهم من عقلي الغبي جا شلوون حامد عرف اروحن لبغداد چم يوم ارجع يكلولي بت عمك ماتت
:سالم: هلا بويه شصاير متصل بيه هلكد جنت نايم
ابو سالم:هسه ترجع من بغداد بت عمك صالح توفت
سالم: توووفت سترك ربي شني شجاها سيلين
ابو سالم :موش سيلين إلين اتوفت انتلت بالماطور
سالم: شنوووو شجايي تكول شنهي الين توفت يابه كول غيرها الله يخليك
ابو سالم: شبيك نهديت عليه بويه يومها هذا الله يرحمها تعال انت ارجع
سالم:رااجع هسه طالع
من گالي بت عمك توفت توقعت سيلين ماحطيت إلين ابالي من حبي الها ما اتمنالها الموزينه حتى بخيالي انصدمت شلون وشوكت شصار حتى تموت شنهي انتلت بالكهرباء هاي إلين هاي العاله قلبي ومرمره روحي وياها تروحي هيج بغمضة عين وانا مو يمها بووويه شيوصلني لديرتنا
طرت بالسياره وانه اسوق لحد ماوصلت فاقد عقليي ومجاي استوعب وصلت وريت ما وصلت اشوفن جادر فاتحتها منصوب وناس رايحه وناس جايه تعزي وانه روحي تريد اليعزيها مالحكت على تشيعها ودفنها بس عرفت مامسوين تشيع والدفان حامد وبس جا شنهي السالفة مو خليه ابددد ضليت افتر لازمن اعرف هاي السالفة ابد مو خليه بعد ثلاث ايام واكف ادخن على صفحه يم شباج مجلس عمي واسمعلك عمي يسال حامد
ابو حسن: بوويه مانريد ننفضح اكدلي كتلتها هاي اخر مره اسألنك
حامد: بصوت حاد بويه شنهي سالفتك تشكك بيه كتلك كتلتها كتلتهااا
ابو حسن: جا شنهي تفسرلي دفنتك الها وحدك جايني بنص الليل وتكلي كتلتها ودفنتها ليش انه ماشوفنهااا
أنت تقرأ
جريمة لم تنفذ
Mystery / Thrillerفي دروب تملؤها الاشواك سرتُ حافية القدمين اتجرع الألم دون وعين مني ذاهبة نحو المجهول! متحدية الاعراف والتقاليد التي اسرت بها منذُ سنين متمردة ، نعم انا المتمردة التي حاربها الجميع ولم ينصرها سوى ذاتها المنكسرة
