جريمة لم تنفذ
✏️مريم عبدالله
ليش تبچـي .... الناس أجو سألوني
جاوبتهم .... هذا حظ آعيوني
گالــــوا آضحك ...
عوف دمعك ...
حيل آضحك ...
خل نسمعك ...
توني أجيت اضحك .. واجو بچوني؟؟
إلين:طلعنا من الغرفة عيوني ماشوف بيهن مغوشة من كد البجي وجنان وياي نمشي بخطوات ثقيلة تمليها الخيبة والكسران الشوگ والعتاب مشيت كم خطوه وصاح وراي صوت اخر صوت كنت ممكن اتوقع اسمعه بيوم من الايام جمدت كل اطرافي
ابو حسن: لحظة بنيتي
شدت على ايدي واندارت عليه جنان
:تفضل امرني
:اشو طبيتوا طلعتوا ولا حجيتولنا شي
:العفو منك مو من صلاحياتي اني ممرضة جيكت وضعها والباقي يبلغكم بي الدكتور هسه دقايق ويجي
:يباوع بنظرة ترقب على إلين وحجة ......والوياج هم ممرضه
:اي نعم من رخصتك هسه يجي الدكتور ويبلغكم
سحبت إلين الصايرة صنم بمكانها ما نطقت ولا حرف اخذتها ونزلنا بسرعه وطلعنا من المستشفى اتصلت بـ آسر واجانا
آسر: هاا شبيكم شنو صار وياكم
جنان: وووين اختفيت مو كلت راح تبقى يم الباب شلووون تعوفنا
:عوفي لعياط واحجيلي شنو صار اجاني الدكتور وحاولت الهيه عنكم وشفت ماكو احد دقايق ما تاخرت شصاار
جنان: طلعنا وشافنا ابوها وضل يسال وجاوبته بسرعه وطلعنا
:وإلين شافها عرفها
:لا دايره وجها ماعرفها بس هاي حالتها من سمعت صوته وهيه متصنمه وساكته احجي وياها ماترد
آسر: إليني انفاسي وياي تسمعيني شبيج باباتي خلص كلشي انتهى اني اسسف اعتذر لان عفتج وحدج إليني ردي عليه باباتي بس خل اسمع صوتج ...مديت ايدي ع خدها اريدها تنتبه الي
اشو فزت مخترعة وصرخت
إلين: لاااا مو اني فدوووه اروحلك لا تسووي بيه هييج اسمعنيي اني اني اختك اسمعني
جنان: حضنتها تحاول تسحبها لحضنها تعرف هاي حالة انهيار بعد الصدمة
آسر: اسم الله عليج باباتي اهدي اهدي بحضن جنان وتدفع بيها مثل طير مذبوح يريد يخلص روحه الى ان فقدت الوعي نخبصت ماعرف شسوي احس روحي راحت مني بقيت اعيط على الاستعلامات بالباب جابولنا سدية دخلتها للمستشفى للمكان الي هربت منه رجعتها اله ماعندي غير حل بس مستحيل اخلي احد يلمح طرف منها ....بعد مادخلنا واجى الدكتور فحصها كال انهيار عصبي مثل ماتوقعت سولها الازم وباقين منتضرين تصحه اتصلت بدكتور مازن وبلغته بوضع إلين وكال جاي عليكم
ساعة تعبرها ساعة وماكو اي تحسن
جنان:آسر روح انت وراك العيادة ومراجعين اني باقيه يمها وعماد هسه جاي بالطريق
:صدك تحجين يا عياده يا مراجعين موبحال احد ماتحرك خطوه اذا ماشوفها كعدت وصحتها زينه اخذها بيدي للبيت
:براحتك ....
واحد يباوع للثاني ومتملكنا الصمت الف سؤال ابالي هاي البنية شنو شافت بحياتها لشنو متعرضة ماتستاهل يصير بيها هشكل قررت بيني وبين نفسي اكون الها السند الحضن الي يحتويها عن الدنيا كلها بس خل تصحه ماخلي يمر عليها يوم تزعل بيه دكعدي عااد موشليتي حالي
أنت تقرأ
جريمة لم تنفذ
Mystery / Thrillerفي دروب تملؤها الاشواك سرتُ حافية القدمين اتجرع الألم دون وعين مني ذاهبة نحو المجهول! متحدية الاعراف والتقاليد التي اسرت بها منذُ سنين متمردة ، نعم انا المتمردة التي حاربها الجميع ولم ينصرها سوى ذاتها المنكسرة
