جريمة لم تنفذ
بقلم مريم عبدالله
طفن بية المناير والضوة تلثم
وشكيت الصور من الجرح لدم
الجنـوب
سالم:بعد وفاة ساره طلب عمي الشيخ ابو حسن نكوم بكامل اجرات الدفن خلصنا وبعدها رجعنا لديرتنا و اول شي طلبه اجتماع داخل المجلس كان الموجودين انا وحامد وابوي وعمي الشيخ وعمي فلاح
الشيخ ابو حسن: وهسه رجعنا لديرتنا شنهي عندك يسالم تعرفه عن بنتي وماتحجي كلام حرمتك وراه سالفه جايده
سالم: والله ياعمي مدري شكول انا خجلان منك وراسي بالارض وبعد الي راح تسمعه لو كان برضيك موتي انا ركبتي تحت امرك
الشيخ ابو حسن : كوم توضى وتعال
سالم: طاهر يعمي متوضي قبل ما اجي لان الي اريد اكوله الزوم احلفلك عليه قسم ويمين وابري ذمتي
: تكلم ولا تضم حرف واحد
:ياعمي انا چنت طالب منك القرب وچنت ناوي اخطب إلين ولجن هي جانت دايما تصدني ويصير جدل بالكلام بينا وبيوم رحت وي ولد صاحبي للجامعه وشفت إلين واكفه مع واحد ماتحملت وعقلي ماستوعب ليش انا ترفضني واكفه بنص الجامعه تكلم شخص غريب عنها وسوسلي الشيطان حتى ارد الاهانه الي تعرضت لها اخر مره طردتني من البيت وكالت ابوي ما موجود بعد ماشفت هل منضر خطرت على بالي فكره اصورها وهي واكفه مع هذا الرجال صورتهم هو وجه مامبين توجهت عليهم حتى اسالها
بس وصول صاحبي انحرجت احجي وياها بحضوره بعد مار راحت سويت مشكله وتعاركت انه والولد ردت اعرف منو هو بس ماحصلت اي معلومه غير اسمه محمد اتجمعو طلاب الجامعه وفكونا بنفس الليله سافرت لبغداد وهنا بلش ثاني غلط سكتت والعبره خانكتني
ابو سالم:سود الله وجهك شمسوي بعد
الشيخ ابو حسن: فالح اتركه يكمل احجيلي شنو صار بعد روحتك لبغداد
سالم: من قهري وانا افكر شلون شفتهم دخلت البار وشربت نسيت نفسي وكثرت بالشرب بعدها توجهت لبيت خالي وجانت ساره الشاهد على حزني طول الليل اشكيلها ماجنت ادري هاي الشكوى راح ادمر الين ودمرني بقيت على هاي الحال فتره رجعت للبصره وعرفت هذا الولد اتزوج و سافر وعرفت ماتربطه بإلين اي علاقه غير انها ساعدت بخطبتهم وچان بيومها يتشكر منها حاولت اصلح الموقف وارجع احجي وياها جنت اريدها هي تقتنع بلاول بعدين اكلمك وخطبها والله ياعمي ماجنت اعرف هيج راح يصير ضليت اضرب على راسي وانا اصيح غببيي
اشر الشيخ لحامد الي راح عليه وامسكه من ايده وكاله هسه موكت بجيك مثل النسوان كمل خل يسمعون كلشي صار
:جيتكم للبيت وطلبت منها نتكلم بس هي رفضت تحجي وياي لمن اصريت ضربتني راشدي وهنا مضل عقل براسي بالكوه مسكت اعصابي هددتني يا اطلع من البيت لو تصيح وتكول سالم تهجم عليه وبوقتها انتو ماجنتو موجودين بالبيت انسحبت منهاوطلعت خابرني خالي على الشغل ورحت لبغداد ومثل كل مره الشرب ملجئي بس هل مره موبس الشرب هل مره شيطان كاعد يمي يوسوسلي اكسرها وهددها خليها تخاف منك وبالفعل جنت انفذ وارسلت لها كم مسج تهديد بعدين صحيت على نفسي ياغبي شلون تهدد بنت عمك حتى لو جنت تحبها اذا بلغت حامد لو بلغتك
أنت تقرأ
جريمة لم تنفذ
Mystery / Thrillerفي دروب تملؤها الاشواك سرتُ حافية القدمين اتجرع الألم دون وعين مني ذاهبة نحو المجهول! متحدية الاعراف والتقاليد التي اسرت بها منذُ سنين متمردة ، نعم انا المتمردة التي حاربها الجميع ولم ينصرها سوى ذاتها المنكسرة
