جريمة لم تنفذ
🖊️مريم عبدالله
وذا امك اجتني اوكالت اشسويت
خاله اتوهمت عبالي حوريه
واذاظنك احبك انت غلطان
عمي الكلب حبك اني شعليه
الجنوب
سيلين:
صار اسبوع على رجعتنا من بغداد وضع امي تحسن بقيت هاي الفترة كله يمها اداريها وبالي عليها وبسبب الحمل كل اشوي احتاج اروح للحمام طلعت واستوقفني صوت بجي خفت واستغربت ماكو احد كاعد كلها نايمه منو هذا اليبجي معقوله جاي اتخيل يابويه الحكني مشيت على اطراف اصابعي انتبهت الصوت جاي من غرفة إلين!!!
معقوله يمممه منو هنا اشوف الباب بي فتحه صغيره معقوله هاي امي بس الغرفه مقفوله من زمااان تقربت اكثر اتمايز الصوت وجان يطلع ابوويه!!!! الغرفه ضلمه وضوه خفيف عاكس عليها من الشباج لازم بيده صوره ويبجي معقووله ابوويه الي بنفسه جان يريد موتها جاي يبجي عليها ردت ادخل بس وكفني كلامه وعتابه وي الصوره
ابو حسن: ولج بوويه إلوينه هيج هديتيني بروحتج راحت صحتي وعافيتي بروحتج بوويه ابيشش قصرت وياج فهميني بوويه ما دللتج ما حبيتج خايبه بوويه عيوني لو طالبتهم اشلعهن واطيهن الج كسررتي ضهري بوويه كسررتي ضهررري ااااخ دفنتج بتراب وما ندفنتي دفنتج بقلبي وما فاد خايبه وين اروح بروحي المسحونه عليج انه شيخ حسن كل العالم تحلف براسه تجي وحده مثلج بكد النمله تنزل راسي بالطين تجيبيلي العارر هاااا بووويه خايبه اصدك بيمن امج لهذا يومج تلوم بيه تكلي دمها بركبتك خايبه ابوويه معقوله انتِ مضلومه وانه ضلمتج كومي عاينيني اطلعي من الصوره ردي عليه بوويه ااخ يابوي ولج بثنينهن نااار وتجوي افاددي جوي جانج بريه اكون انه الظلمتج وجنيت عليج ونجانج مسويتها صدك كسرتي بيه بوويه كسرتي بترباتي الج
وينها شيخه ابوها لتكلي بويه اريدن العلام العلام زينة البنيه انه اتعلم وبنات المحله يتعلمن وكلهن يغارن جا بوويه كولي هذا العلام الخذاج مني ياخذ بنات الديره كلهن عينيني بوويه انه ماكدر ارفع راسي بين الوادم اسنين دافنج بقلبي ولج امج اتون بالعمليات وتون بسمج فتحت جروووح كلبي وذرتهن ملح كطعته وذره وذره وزيدنج من الشعر بيت اتكلي اموت ومابريك الذمه خذيت بنيتي من حضني ولج بوويه انتِ اندفتني باتراب ودفنتيني بالحياة حملج ثگيل بوويه ثگيل هدلي حيلي....
اسمعه ودموعي تصب طلعت شهكه مني بصوت عالي ماكدرت امسك روحي يمكن سمعني فجئه سكت وانه تسحبت على كيف ورجعت الغرفتي
حتى الحمام نسيته خفت يطلع ويعيط بيه وانقهرت كلشش تفطر گلبي عليه ماتوقعت ابويه بهذا الحال دومن اشوفنه القوي وما يهمه شي ماعبالي متاثر مثلنا بموتت إلين الله يساعدك بويه بقيت الليل كله اتكلب ماكدرت انام مخليه ايدي على بطني واحجي لابني مدري بنتي عن خالتهم شلون جانت شخصيتها قويه ولسانها بس على الحك جانت تصغر اكبر واحد يحاول يستصغرها لو يدوسلها على طرف منو يتوقع هاي الانسانه القويه يصير بيها هيج تروح مثل شربة مي بذنب ما مسويته اووف عمت عيني عليج مرات الومن روحي يمكن لو ما مشردتها ماتموت مجان مسكها حامد وكتلها اوووف يا هذاك اليوم
أنت تقرأ
جريمة لم تنفذ
Mystery / Thrillerفي دروب تملؤها الاشواك سرتُ حافية القدمين اتجرع الألم دون وعين مني ذاهبة نحو المجهول! متحدية الاعراف والتقاليد التي اسرت بها منذُ سنين متمردة ، نعم انا المتمردة التي حاربها الجميع ولم ينصرها سوى ذاتها المنكسرة
