I Will Make You Mine(Completed)

Part 16

#Unicode

"မင်းက တကယ်တူအောင်လုပ်နိုင်တာပဲ"

Kim Taehyung နှင့်တူအောင် ဝတ်စားပြင်ဆင်ထားသည့် Min Jihyo ကိုကြည့်၍ Lee Young Jay ပြုံးလိုက်မိသည် ။

"နံရံကိုမှီထား ၊ ပြီးရင် မင်းမျက်နှာကိုလဲ ငါနဲ့ကွယ်ထား"

လိုချင်သည့်အနေအထားရောက်အောင် Lee Young Jay လုပ်ယူလိုက်သည် ။ ထို့နောက် Min Jihyo ၏ခါးကိုဖက်၍ထိန်းထားလိုက်၏။
Lee Young Jay လုပ်ငန်းစလိုက်သည်နှင့် Cameraman ကလဲ ချောင်းရိုက်ပုံစံမျိုးဖြစ်အောင် ဖန်တီးကာရိုက်ယူသည် ။

အာရုံကိုထွေပြားစေနိုင်သည့် ဓာတ်ပုံတစ်ပုံရလိုက်တော့ နှုတ်ခမ်းကိုတွန့်ကွေးကာ Lee Young Jay ပြုံးလိုက်သည် ။

"ဒီပုံကို ဖြန့်လိုက်တော့"

ပထမဆုံးခြေလှမ်းက အောင်မြင်စွာနှင့် ပြီးဆုံးသွားသည် ။
Lee Young Jay နှင့် ကောင်လေးတစ်ယောက်၏ ဓာတ်ပုံဆိုပြီး Online မှာ ပျံ့နှံ့လာခဲ့၏။
လူတွေရဲ့ အာရုံစိုက်မှုသည်လဲ Lee Young Jayအပေါ် အပြည့်အဝကျရောက်လာကြသည် ။

-
-
-

"မင်းသား... ဒီပုံက.."

Woo Young ကဖုန်းကိုကြည့်နေရင်းနှင့် Jungkook ကို လက်တို့ကာပြလိုက်သည်။
ထိုဓာတ်ပုံကိုကြည့်၍ Jungkook မျက်မှောင်ကြုတ်လိုက်မိ၏ ။
Lee Young Jay နှင့်အတူရှိနေသည့်ကောင်လေးက ဘာဖြစ်လို့ Taeနဲ့တူနေရတာလဲမသိပေ ။

"မင်းသားလဲ ကျွန်တော်တွေးသလို တွေးမိတယ်မဟုတ်လား"

Woo Young က မေးခွန်းထုတ်လာသည်။
ထိုအခါ Jungkook အသာလေးခေါင်းခါလိုက်ပြီး

"Tae မဟုတ်ဘူး"

Tae က Lee Young Jayနှင့် အခုလို ပတ်သက်စရာ ဘာအကြောင်းမှမရှိတာကို Jungkook သိသည် ။
အခုပုံထဲကကောင်လေးက Taeနှင့်တူပေမယ့် Tae လုံးဝမဖြစ်နိုင်ပေ ။

"Taeက သတင်းတွေကို စိတ်ဝင်စားတဲ့သူမဟုတ်ဘူး ။ အခုဟာလဲ သူသိမှာမဟုတ်လို့ သူ့ကို အသိမပေးနဲ့ ။ ဒီကိစ္စက ငါတို့နဲ့ ဘာမှမဆိုင်တာမို့ စိတ်ဝင်စားစရာမလိုဘူး Woo Young"

မင်းသားကတောင် သူ့ယောက်ျားကို အပြည့်အဝယုံကြည်နေလျှင် Woo Youngလဲ ယုံကြည်ပါသည် ။