#Unicode
"ဘာကို အဲ့ဒီလောက်အထိ စဥ်းစားနေတာလဲ။အိမ်ကိုမပြန်သေးဘူးလား ... Jungkook oppa လာလို့ရှာမတွေ့ရင် စိတ်ပူနေအုံးမယ်"
စိတ်ထွက်ပေါက် ရလို့ရငြားအိမ်မှာပဲပြန်လာနေမိတော့ ညီမဖြစ်သူ Kim Jiyoon ကသူ့ကိုပြန်ခိုင်းနေပြန်သည် ။
"သူဖုန်းဆက်လာရင်လဲ ငါဒီမှာပဲအိပ်မယ့်အကြောင်းပြောပြလိုက်တော့"
Taehyung ဘောက်ဆတ်ဆတ်ဖြေ၍ ပြန်ပြီးမှိုင်နေလိုက်သည် ။
"Jungkook oppa နဲ့ ရန်ဖြစ်ထားပြန်တာလား။ ပြဿနာရှာတာလျှော့ပါအုံး Oppaရယ်"
မျက်နှာချင်းဆိုင်မှာထိုင်ပြီး သူ့ကိုသာအပြစ်တင်နေတဲ့ Jiyoon ကို Taehyung မျက်စောင်းထိုးကာကြည့်လိုက်သည် ။ မသိရင် သူကပဲ ပြဿနာကောင်ကြီးလိုလိုပင်။
"ရန်လဲဖြစ်မထားဘူး ။ အားအားယားယား ပြဿနာလဲရှာမနေဘူး ။ ငါ့ဟာငါ စိတ်ထဲမှာ မတင်မကျဖြစ်နေတာလေးရှိနေလို့"
"ညီမလေးကို ရင်ဖွင့်မလား ။ညီမရဲ့အကြံဉာဏ်က အသုံးဝင်ချင်ဝင်မှာပေါ့"
Kim Jiyoonပြောတာမဆိုးဘူးဟု Taehyung တွေးမိသည် ။ သူမက မိန်းကလေးဆိုတော့ သူနှင့် မတူညီတဲ့ စဥ်းစားဉာဏ်ရှိချင်ရှိလိမ့်မည် ။
"ငါပြောရင် နင်မရယ်နဲ့နော်"
Taehyung အရင်ဆုံး ကြိုပိတ်ထားလိုက်သည် ။ မဟုတ်ရင် Kim Jiyoonကသူ့ကို ဟားတိုက်နိုင်သည်လေ ။
"Ok...မရယ်ဘူး"
ပါးစပ်ကိုပိတ်ကာ Ok sign လုပ်ပြတဲ့ Jiyoon ကြောင့် Taehyung ယုံကြည်ကာ ပြောပြဖို့ဆုံးဖြတ်လိုက်သည် ။ပထမဦးစွာနှင့် Jungkook နဲ့တွေ့ဆုံပုံတွေ ၊ လက်ထပ်ရသည့်အကြောင်းအရင်းနှင့် အခုထိ ဖြစ်ပျက်သွားသမျှကို ပြောပြသည့်အခါ Jiyoon ကလဲ တအံ့တသြဖြင့် နားထောင်ပေးရှာသည် ။ထို့နောက် အဓိက အကြောင်းအရာဖြစ်တဲ့ ခက်ခဲနေသည့်ကိစ္စကို ပြောပြလိုက်၏။
"ငါ.. ငါ Jungkook ကိုချစ်တဲ့အကြောင်းကို ဘယ်လိုဝန်ခံရမလဲ"
"ချစ်တယ်... oppa ကလား ။ ဟားဟားဟားဟား "
အပြောနဲ့အလုပ်မညီတဲ့ Kim Jiyoonက ဗိုက်ကိုနှိပ်ပြီးတော့ပင် ဟားတိုက်ကာရယ်သည်။
ŞİMDİ OKUDUĞUN
I Will Make You Mine(Completed)
Hayran KurguJEON JUNGKOOK X KIM TAEHYUNG Stat Date-11.7.2023 End Date-17.9.2023
