I Will Make You Mine(Completed)

Part 17

#Unicode

Jungkook ကသူ့ကို ရှင်းပြခွင့်မပေးသလို လုံးဝလဲအတွေ့မခံပေ ။ဖုန်းဆက်တော့လဲ အမြဲတမ်း စက်ပိတ်ထား၏။ အိမ်အထိလိုက်သွားလျှင်လဲ လုံခြုံရေးနှင့်ဆွဲထုတ်ခံရသည်။
ဘယ်လိုမှ အနားကပ်ခွင့်မရှိသည်မို့ Taehyung  လက်လျှော့လိုက်ရ၏။

"Lee Young Jay! ခင်ဗျားဘာလို့လုပ်ရက်တာလဲ!"

တွေ့ဖို့မရှိတော့ဘူးဟု ဆုံးဖြတ်ထားခဲ့ပေမယ့် အခုလိုအခြေအနေကြောင့် ထပ်မံ၍တွေ့ဆုံရသည် ။ Lee Young Jay ချိန်းဆိုသည့်အတိုင်း သူ့အိမ်ကို Taehyung လိုက်လာခဲ့၏။ ဒီ့ထက်ဆိုးစရာအခြေအနေလဲ မရှိတော့ဘူးမဟုတ်လား ။
Taehyung အလဲလဲအပြိုပြိုဖြစ်နေတာတောင် Lee Young Jay က အေးအေးလူလူပင်ဖြစ်လို့နေ၏ ။

"မကောင်းဘူးလား ။ အခုဆိုရင် မင်းကကိုယ့်ရည်းစားပါလို့ အားလုံးကသိပြီးကြပြီ ။ မင်းကို လူလုံးထွက်ပြမခိုင်းတဲ့ Jeon Jungkook ကို မေ့လိုက်ပြီး ကိုယ်နဲ့အမှန်တကယ်တွဲလိုက်မလား ။ ကိုယ်ကမင်းကို လူသိရှင်ကြားတွဲမှာပါ Kim"

'ဖြောင်း'

မခံမရပ်နိုင်ဖြစ်မိတာကြောင့် Lee Young Jay၏ ပါးပြင်ကို Taehyung ရိုက်ချပစ်လိုက်သည် ။ ဒီမင်းသားကို အခုလောက်အထိ အောက်တန်းကျလိမ့်မယ်လို့ Taehyung ထင်မထားခဲ့တာအမှားပင်ဖြစ်၏ ။
Jungkook က သတိပေးခဲ့လျက်နှင့် သူကိုယ်တိုင်က အမှားတွေလုပ်မိခဲ့သည် ။

"အောက်တန်းစားကောင်! ငါက မင်းကို စိတ်ရင်းနဲ့ခင်ပြီး ယုံကြည်ခဲ့တာ Lee Young Jay! မင်းဘာလို့ ငါတို့အိမ်ထောင်ရေးကိုဖျက်ဆီးပစ်ရတာလဲ ! အခုလို အောက်တန်းကျတဲ့နည်းနဲ့ ဘာလို့လုပ်ခဲ့ရတာလဲ !"

Taehyung ဒေါသတကြီးဖြင့် အော်ဟစ်နေမိသည် ။
အခုချိန်မှာ Lee Young Jayကို သတ်ပစ်ချင်နေမိ၏ ။

"ဘာလို့မရမှာလဲ Kim ... အချစ်နဲ့စစ်မှာမတရားတာမရှိဘူးတဲ့လေ"

Lee Young Jayက မဲ့ပြုံးပြုံးရင်းဖြင့် ထိုစကားကိုဆိုလာခဲ့သည် ။ Taehyung နားမလည်တာကြောင့် ကြောင်ကြည့်နေမိ၏ ။
Lee Young Jay က ဘာကိုဆိုလိုသည်လဲ....

Lee Young Jay က ထိုင်နေရာကထ၍ အခန်းတံခါးတစ်ခုကိုဆွဲဖွင့်လိုက်သည် ။