نيران الكبرياء للكاتبه ياسمينا لبيب

الفصل الخامس عشر

الفصل الخامس عشر

في منزل الجده كان الدكتور حمدي يجلس مع الجده ليحاول اقناعها بالسفر الي خارج البلاد لاجراء بعض  الفحوصات لكي تخضع لإجراء عمليه جراحيه كبري لستئصال الورم  والتخلص منه نهائيا
دكتور حمدي : ليه مش عايزا تحاولي  ليه شايفه ان الاستسلام هو الحل
الجده : عشان مفيش حل للمرض دا
الدكتور حمدي : دكتور البرت چوزيل من اكبر اطباء العالم في مجال الاورام السرطانية هبعتلو الحاله وهو يقرر
الجده : صدقني ملوش لزوم كل اللي انت بتعمله دا ،دي نهايتي وانا عارفه وحاسه بكدا ، ورضيا بقداء ربنا
بلاش اتبهدل في اخر ايامي ناس تشيلني وناس تحطني واسلاك متوصله بيا من كل ناحيه واموت في المستشفيات انا عايزا اموت هنا في بيتي وعلي فرشتي
دكتور حمدي : اللي انتي بتقوليه دا اسمه علم وطب
ولو فيه امل واحد في الميه بس انك تعيشي وتخفي من المرض البشع دا امشي وراه علي الاقل عشان نوران انتي متخيله نوران ممكن يحصلها ايه لو بعدتي عنها ،حالت نوران كانت صعبه اوي وانتي في غرفه الكشف متخيله هي ممكن تكون عامله ازاي من غيرك ،نوران حقيقي ملهاش اي حد في الدنيا دي من بعدك
الجده بوجع قلب حقيقي من حديث حمدي: عارفه يا حمدي عارفه يبني وقالت والدموع تترقرق في عينيها
بس قدري ونصيبي في ايدي ايه اعمله ومعملتوش
دي حاجه غصب عني اكيد انا مش عايزا اسيب نوران في الدنيا لوحدها
دكتور حمدي وهو يضغط علي تلك النقطه عندها :- لاء طبعا في ايدك ،في ايدك انك تتعالجي في ايدك انك تحاربي المرض عشان نوران حتي في ايدك تحاولي مره واتنين وتلاته عشان نوران تستاهل انك تحاولي
الجده بإقناع بعض الشيء : والدكتور البرت دا بس هيعمل ايه في قدر ربنا
الدكتور حمدي : ربنا زي ما خلق الداء خلق كمان معاه الدواء والدكتور البرت دا ماهو اللي سبب عشان تتعالي سبب مش اكتر ، يمكن ربنا كاتبلك الشفا علي ايديه
الجده : اللي انت شايفه صح يا حمدي اعمله وربنا يقدم اللي فيه الخير اهم حاجه بس ان نوران متعرفش الحقيقه

بقلم ياسمينا لبيب

**********

في الفيلا الخاصه بمروه كانو يتحدثون ويمزحون ومروه تقص كل شيء حدث في المؤتمر علي مسامع نوران
مروه : واخر يوم بقا خرجنا كلنا وقضينا السهره في نايت كيلاب يجنن بجد كلمه يجنن دي شويه وفضلنا بقا نرقص ونشرب لما بقينا طينا خالص لدرجه اننا مش فاكرين اصلا رجعنا تاني الاوتيل ازاي
نوران :  طب احسن اني مكنتش معاكم عشان انا مليش في جو السهرات والشرب دا ما انتي عارفه
مروه  :  لاء صدقيني لو كنتي معانا كنتي هتنزلي كل اللي كانو معانا راحو السهره دي بجد كانت سهره جميله
نوران بقلب ابيض :  ربنا يسعدكم يارب كلكم ويفرح قلوبكم المهم ياستي انبسطنا وخرجنا وسفرنا نيجي للجد بقا هنستلم التكليف امته وفي مستشفي استثماري هننزل ندرب فيها عشان شهاده الخبره اللي مطلوبه
مروه :- التكليف لسه مش هنسالمو دلوقتي لسه سنه او اتنين كمان علي ما نستلم وعلي حسب التوزيع حاليا هيكون في تدريب من الجامعه في مستشفيات استثمارايه عشان الشهاده ودا هيكون علي حسب توزيع الاقسام وتقدير التخرج وكمان شهادات المؤتمر هتفدنا كتير في توزعنا علي الاقل هنستلم في مستشفيات معروفه وليها مركزها ووزنها ودا بردو هيفرق في الCV بتاعنا
نوران :  بقولك ايه متيجي نخرج احسن ونتكلم بره انا زهقت من قاعده البيت
مروه :  فكره حلوه انا كمان عايزا اخرج تحبي نروح فين
نوران. :  تنا كنت عايزا اشتري شويه هدوم تيجي نروح المول
مروه :  فكره حلوه بس مش هنطول انا لسه راجعا واتسوقت من لندن قبل ما ارجع
نوران بستغراب :- لندن؟!؟
مروه :  ايوا انا قابلت بابي في لندن عشان ارجع معاه في الطياره الخاصه
نوران. بحسن نيه : ايوا بقا الله يسهله
مروه بضحك : يابنتي عينك دي هتجبني الارض صدقيني
نوران :  وانا وش ذالك
مروه :  لا ابدا يا حبيبتي انتي ذالك كلو
وقامت مروه حتي ترتدي ملابس الخروج