''စောင့်ပါအုံးလား သားရယ်''အိမ်ထိန်းအဒေါ်ကြီးရဲ့စကားကိုလည်းဂယူဗင်းမသိချင်ယောင်ဆောင်လိုက်သည်။လိုအပ်တဲ့ပစ္စည်းအနည်းငယ်ကိုသာဂယူဗင်းဆက်ထည့်နေလိုက်သည်။
''ဂယူဗင်း လေယာဥ်လက်မှတ်တွေကအကုန်ရောင်းကုန်သွားပြီ''
''သွားရအောင် ဂွန်းဝု''
''ငါအဖေကငါ့ကိုပေးမသွားဘူးကွ''
''ဟုတ်တယ် ဂယူဗင်း အန်တီပြောနေတာဒီမှာဘဲနေပါဆိုတာကို''
အိမ်ထိန်းအဒေါ်ကြီးဟာလက်လျော့ချင်သေးပုံမရဘူး။ဂယူဗင်းရဲ့ဗီဒိုရှေ့ပိတ်ရက်လို့ဂယူဗင်းကိုသွားခွင့်မပေးနိုင်ကြောင်းတဖွဖွပြောနေတော့သည်။
''ဒီမှာဘဲနေပြီး လူပျောက်ရှာဖွေရေးကသတင်းကိုစောင့်ပါဆို!!"
အနောက်ကအိမ်ထိန်းအဒေါ်ကြီးရဲ့အသံကိုမကြားချင်တော့တာမို့ဂယူဗင်းအမြန်ပြေးထွက်လာလိုက်သည်။အနောက်ကအော်နေတဲ့ဂွန်းဝုအသံကိုလည်းသူကြားပါရဲ့။
''ပြောမနိုင်ဆိုမနိုင်နဲ့ကွာ''
......
''အကုန်ရောင်းကုန်သွားပြီ ဒီမှာကြည့်''
ကားဂိတ်ကလက်မှတ်ရောင်းတဲ့လူကသူ့လက်ထဲကစာအုပ်ကြီးကိုဂယူဗင်းမျက်လုံးထဲဝင်တော့မတတ်ပြရင်းပြောလာတာမို့ဂယူဗင်းအလျင်အမြန်ဘဲ...
''ကျွန်တော် မတ်တပ်ရပ်လိုက်ပါ့မယ်''
လူတွေကလည်းအများကြီးဂယူဗင်းနောက်ကနေတိုးနေတော့သည်။သူလည်းဘယ်လိုလုပ်ပေးရမှန်းကိုမသိတော့။အခုချိန်မှာသူ့အဖေကိုသာသူအတွေ့ချင်ဆုံးဘဲ။
''အတိုက်အခံမလုပ်ကြပါနဲ့ဗျာ ပွဲတော်ရက်ကြီးလေ ကားလက်မှတ်တွေကရောင်းကုန်နေပြီ''
''လမ်းကြုံခရီးသည်လိုမျိုးရော အဲ့လိုလည်းရပါတယ်''
ဂယူဗင်းအလျင်အမြန်ပြောလိုက်တော့ကားလက်မှတ်ရောင်းတဲ့လူကစောနကစာအုပ်ကြီးကိုနှစ်ရွက်၊သုံးရွက်လောက်လှန်ပြလာသည်။ပြီးမှ...
''ဒီမှာမနက်ဖြန်မနက်ထွက်မှာ စောင့်ချင်ရင်စောင့်လေ ကံကောင်းပါစေ''