البارت19
💐عروس في الجنة 💐
بقلم حنان فارس
مسافة طريق...وصلات لدار...نزلات من طاكسي..يلاه بغات دخل وهي تقشع لوطوو ديالوو...كحلات بلعماا..
زاادت داخلا...حلات لباب كيف عادتهاا...بشوياا باش تسلت ..غير شافها باباها عيط لها
حسن:سليمة بنتي اجي اجي شوفي شكون جاا .
سليمة:شفت شفتت
زاادت وهي تتسوط
شافها جايا...تم واقف...شاب فاواخر العشرينيات...لابس سروال توب كحل...مع طريكو دصوف طالع جهة لعنق..فلبيض..عيون بنية وشعرر قهوييي فاتح ..لحية فلون شعر راسم ابتسامة عريضة منين شافها..
بدات تهويي بيدها منين شافتوو...جاب لييها صهد كتر من صهد لي كاين
زادت واقفا مدات يدها..تسلم
سليمة:سلام ادم لاباس
أدم(شد يدهاا باسهاا)طل عليناا القمرر ومبغيتيش نكون بخيير
حسن(هز تيلي ديالو)نخليكم مكالمة ضرورية كلسي ابنتي مع ادم تهضروو شويا ونرجع.
شافت فييه جاراا شفايفها ..تتحلف بعينيها...عرفات دارها بلعانيي..
حولات نظرهاا لادم..
سليمة:كلس تفضل
ادم:النساء اولاا
سليمة:آه عارفا على داكشي قلت لك تفضل
أدم:كفاااش؟
سليمة:والو والوو
كلسااات حاطاا رجل على رجل...كتشوف..وتسوط بجهد
أدم:عندك شي مشكل شفتك تصوطي؟
سليمة:غير صهددد(زيرات عليها)صصصصههدددد
ادم:بلعكسس البرد..فهاد لوقت لجوو دغيا تيتقلب على داكشي خصك تلبسي متعرفيي شتا منين تخرج.
سليمة:آه آه تيتقلب
أدم :بحاال بنادم الجو ولبشر متشابهيين..(ابتاسم)تاا علاقاات البشرر تيتقلبوو شحال من صديقين ولاو حبيبين
سليمة(خنزرات فيه)أءء اه وشحال من حبيبين ولاو أ عداااء
أدم :مكتضنش حييت الحب حاجة زوينة ماشي دغيا تتبدل
سليمة:اشش عرفك فلحبب...؟؟
أدم:كنعرف أنوو حاجة زوينة..كطيح على راسناا كييف طاحت تفاحة على راس نيوتن...وتتجدبناا وتنكتاشفوو بعضض...كييف كتاشف لجادبية...
شافت فوق طبلاا...لديسير لي محطوط...هزاات تفاحة..قراب وجها..منو..وعضاتهاا
سليمة:كن كنت بلاصتو كن كليتهاا وهنيت شعب
أدم:(مبتاسم )كيقول ديكارت الشك أساس الحكمة مزيان منين نيوتن شككك..كن كلاها كاع منكتاشفوو لجادبية
سليمة(حطات يدها على راسهاا..تطلب من الله يسكت)اهاا قوليي اش درتي هااد شهر لي غبرتي فيه
ادم:غير لخدمة ..وكنت عطيت وعد لراسيي اني نقرا 300 كتااب فهااد شهرر..
سليمة(خرجات عينيها فيهم)300 كتاااب ؟؟؟وش متتاكل متتشرب تتبقاا غير هااز لكتوباا؟
ادم:غدااء الرووح اولاا..اه ونتي تتقراي شي؟
سليمة:(ميلات راسها)تتعرف لقصص بدارجة؟
ادم:كفاااش؟
سليمة:مغتعرفش مغتعرفش نيڤوك مزال نازل..على كل شفت بابا تعطل خصنيي نمشيي
ادم:بصارحة بابا هضر معايا بموضوع...على داكشي جييت هناا..بصارحة هضر لياا على موضووع ارتباطناا...وبصارحة اناا مكرهتش نكونو ....نتي وانا روميو وجولييت قيس وليلى نفس لمقاام
وسعات عينيهااا...بداات تكحببب بجهدددد...
سليمة:كححح كححح كححح
ادم:وشش نتيي بخير..حاولي تاخديي نفس.. نفس..اكيييد ضربككك لبرددد ..تبغييي نعطييك لماااء؟
تهزات من بلاصتها...هزات لماا على طبلة نزلات عليه..
سليمة:كح كح حصليي تفاااح اولد لقق
شافت باباها جاي.
اولد لقصائد شعرية
ادم:(ناض عندها)وش نتيي بيخير؟؟؟
سليمة:اكيد بخييير وهادشي بفضلكك كن مقولتيش لي تنفسي مكونتش انتنفس ..(شافت فباباها)بابا جيتيي اوا كلس مع ادممم غنطلع لبيتي
ادم :كنعاين جوابك وتذكري جيدا اش كيقول ديكارت..اعرف قيمة مابين يديك قبل فقدانه
خنزراات فييه ..وزادت طالعاا..بزرباا..على دروج
سليمة:ولددد لكلبة..هداا لتزوجتوو غيكويني غير بالابيات شعرية...خصص لقااا راااجل اعباد الله واااااااا بغيييت راااااااجل..
أنت تقرأ
عروس في الجنة(فداء لعشقك)كاملة
Random✅هيي بنت عادية.. بسيطة.. ..نشيطة..كتعشق لحياة.كتشووف لقلب لوااحد ماشي لشكلوو...ولا لتعاملو...غيطييح حبها عليه هواا....! ✅هوا..كيقولو عليه شمكار..لدااز من درب ونتا فيه قلب طرييق...كيقولوو عليه عالاا عمر يوووصل...عمرر يتبغااا...عمرر يدير عايلا مكايناش...
