عروس في الجنة(فداء لعشقك)كاملة

بداية الفصل التاني: فدآء لعہشہقہكہ

🍁الفصل التاني : فداءً لعشقك 🍁

بعد5 سنين..

الايام كدوز..وعمرك كيدوز معاها...

الايام..تقدر داويك...تقدر تجرحك..

تقدر تقويك..تقدر ضعفك..

ولكن غتبدلك غتبدلك..لاحسن أو لأسوء..نتا وحظك..

كاانت داخلاا...لفيلاا...لابسا كسيوة..كحلا تحت..ركبة...لاصقة على طايتها..راضا شعرهاا لوور...
دايرا مكياج خفيف...خاص بلخدمة بحكم يلاه جات من البانكا.

هازا صاكها فيد..وبعض لملفات فليد تانيا...

دخلات بخطوات تقال...وصوت كعبها..مسموع فلارجاء...

وقفات للحظة..منين بان ليها باباها كالس مع شي ناس...مرى..وراجل..وولد يكون فايتها ببعض سنوات..

شاف فيها باباها مبتاسم  ..

حسن:اوو ها اميرتي جات...

زادت عندو..مبتاسمة.. سلمات عليه...وحركات راسها تتحييهم..

حسن:بنتي هداا...عبدالمنعم صديق قديم..وهدي مرتو فاطمة زهراء..وهدا ولدو انيس.

سليمة؛متشرفين..وانا سليمة بنت بابا

ابتسموو لهاا...

فاطمة الزهراء:بنتي حنا ليوم جينا عند باباك..باش ان شاء الله صداقة سنين تكبر...جينا طالبين راغبين فيدك ولدنا انيس

شافت فيها ببرودة..وشافت فباباها

سليمة:اصدقاءك كتار مشاء الله...منين تهنيت من ادم وباباه جبتي لي لجديد...مليت بلاصتك ابابا

شافو فيها مفاهمينش قصدها..

حولات نظرها لهم..نطقات ببرودة

سليمة:سمحو لنا فهاد دار مكاينش بنت لزواااج...تقدوو تفضلو مشكورين على زيارة ...

حطات ملفات على طبلة

سليمة:وقعهم...غنبدل..ونجي نشوفهم..(ببتسامة)نهاركم مبروك

طلعات لبيتها...وعيون باباها تابعينها...شاف فناس والحشمة باينا عليه

حسن:هواا

فاطمة الزهراء:بصارحة كنا سمعنا كيقولو على بنت عمر تزوج فدنيا...حيت بالها وقلبها مع وحد ميت..نص فلمدينة..كيقولو عليها عروسة فجنة..اما فدنيا غير بلا مطمعو فلبنية...ولكن متيقناش ..وقلنا نجربو زهرنا..

(تمات نايضة) اوا نخليو لك الراحة

عبد المنعم:ممكتابش اسي حسن ممكتابش

انيس:فيها خير اعمي  ..للبنت فقلبها شي حد ..ترفض زواج خير متزوج بيا وهي تتشوف فيا صورتو..

فاطمة:اه ولكن لبنت راهاا كبراااات غتزيد شويااا مكين لي يدق باباها..

عبد المنعم(مخنز فيها)باقا صغيرة وليام قدامها..

استأدنوه وخرجووو.. فحين هواا رخف...كرفاط..ديالو وكلس.. كيحاول ياخد انفاسو

فحين هي طلعات لبيتها بدلات  حوايجها و لبسات كجوال باش تعاود تخرج  ...هزات طيلي عيطات لنهى باش تلاقا معاها وتعاود ليها طبعا على العريس جديد  ... سمعات باباها كيعيط ليها و من صوتو باين كاااعي كيف دييماا هبطات لعندو و هو واقف داير يديه مور ضهرو ..

زادت عندو وهي دافعا صدرها...نطقات بصوت حاد

سليمة:كاين منقضيو اسي حسن