132
💐عروس في الجنة 💐
💔فداء لعشقك💔
فاق من سهوتو ..شاف فتصويرة ..تنهد بججهد كيحس براسو وسط دوامة كبيييرة مالها حد...معارفش شكون لي كدب عليه و شكون لي قال ليه الحق..
لهضراا دسليمة ولا تصاور لي وصلووووه..خاصة انهم وصلووووه من شخص لييي كيتييييق فيييه كيما كيتيق فسليمة..
لي متأكد منو هو هادشي فيه تخلويض و طرات شحااال من حاجة فهاد الخمس سنين وخصو يعرفهاا...فاسرع وقت..
حس بيد تحطات فوق كتافوو..
عبيقة:ساااط رااه غتكون بيخير غير تهدن...بنتي لي هاز هم دنيا العشير
أشرف:غا كوووليااا اخوويا اش هاادشي لي كيطراا.. راه مابقيت فاهم واالوو(ضرب فراسو بزعاف)والوو اصحبي والوو
عبدو :( تكا على الحيط هاز راسو لفوق )بحالي بحااالك كون غير ماجيناااش من لول بلاش علينا هاد صداع راس
أشرف: لااا لااا ماشي صدااع رااس( ضار تقابل معاه ) شي حااجة وااقعة ماشي هي هاادييك كان عليا نجي من شحاال هاادي( دار يديه فوق راسو كيحس بيه تقال عليه )
عبدو :( بقا ساكت للحضة كيشوف فيه و نطق)تا أناا تلاقيت معااهاا
أشرف :( شاف فيه مصغر عينيه)نهى؟؟
عبدو:اه نهى
أشرف: واااااايلي(طولهاا) متقوليش مشيتي تقلب علييهاا
عبدوو:( مخرج فيه عينيه)منيييتك لاااش غنمشي نقلب على سييدة مابقا بينيي و بينهاا وااالوو و مزوجة من لفوق و بحال والو يكونو عندها دراري تاا لاااا لاااا..ريح اصحبي عمر نسااا نهار خلاتني وختارت مول لعاقة...
(خربق ملامحو)غير هوا تلاقيتهاا صدفة زهر لمكلبن دياليي خلاني نتلااقاا بيهاا هيي لولاا
أشرف:على داكشي تعطلتي على لاجت..
سكت منين تحل لباب دلبلوك خرجات طبيبة تهز عندها بزربا...شافت فيهم...ونطقات
الطبيبة:شكون فيكم راجل المريضة؟
133
💐عروس في الجنة 💐
💔فداء لعشقك💔
الطبيبة:شكون فيكم راجل المريضة؟
شافو فبعضياتهم دقة وحدة وهز عبدو يدو نعت فأشرف
عبدو :هوو اااختيي..خالتي زعما
أشرف :( شاف فيه مخرج عينيه )
عبدو:(تحت سنانو )وراه كبيرة عليا
أشرف؛تنهددد
الطبيبة :تفضل معايا اسيدي
شاف فيه بديك النضرة ديال غا تنخرجو و نتفاهموو أما عبدو شداتو الضحكة ..
عبدو:كحلتها بلعما..فاطار تكحال خصنيي شيي دكة كحلاا.
تم غادي باغي يجيب قهوة تقاد ليه شوياا المزاج..وترد لو عقلو لبلاصتو
فحين أشرف مع الطبيبة فالمكتب كالس فالكرسي بحالا كالس على شوك
الطبيبة :( عينيها على ورقة لي كتكتب و فنفس الوقت كتهدر) بعد مدرنا ليها إيكوكغافي وشي فحوصات... الحمد الله المدام ديالك لباس عليهاا.. غنكتب ليها شي فيتامينات تاخدهم
أشرف:وللكن ششنوو سبب باش طرا ليها هكاااك
الطبيبة :جاتها اموغاجيي..من زهرها مخصراتش بزااف ددم حيت ديجا باين عندها فقر دم.. هادشي غيكون من الأعصااب ولاا تسطريسات بزاايد وجاتها مع بداية الدورة الشهرية...غير هوا واش ديما كيطرا ليها هاكاا؟
أشرف :( ضربها بصقلة معرف باش يجاوب) ااحم انا والله ما عررفت؟؟ ولكن دابا شنو يمكن ندير
طبيبة :( طلعات عينيها فيه و عقدات حجبانها) مااعليييها كنضن تا لجانب نفسي داخل من الاحسن تبع مع طبيب نفسي( مدات ليه ورقة )جيب هاد دوايات و إن شاء الله ميكون غير بخير..وتحاليل دفقر دم خلاص غنديرهم هنا...بايناا تغديتهاا ناقصة حاول تقنع مرتك تاااكل من اللمفويات والبروتينات..وتاخد لخضرا ليى فيها لحديد بحال سبانخ..
أشرف:وخا ان شاء الله..و داباا هي لابااس علييهاا واش يمكن ليا نشوفهاا
طبيبة:هي رااهاا لاابااس و لكن خليها ترتاح شوية جيب ليها هاد دوايات و ديك ساعة تقدر تدخل وتشوفها..
تم واقف..
اشرف:وخاا
عطاها بضهر
الطبيبة: ااه و متنسااش تجيب معااك أولويز
أشرف:(دار عندها مصدوم)شنو هواا
الطبيبة:فوطة صحية اولدي وتكوون كبيرة بالاجنحة
أشرف :( وسع عينيه و مسح على جبهتو ) والا ملقيتش لي كطير؟؟
شافت فيه مستغربا
الطبيبة:اشمن طيران؟
أشرف:نتي قولتي خص تكون بجناح..
الطبيبة:لالا اولدي نتا بنتي لي باقي جديد فزواج.(بطنز).سير لملقتيهش لي تطير جيب لي تتمشا..
أشرف(عاقد غوباشتو)وخاا شكراا الله يعااونك
زاد كيقلب على فين عندهم صيدلية فلكنينيك ..سول لممرضة نعتات لو...
توجها ليها لقا واحد البنت عطاها لاليست ديال دوا و هو كيفكر كيفاش غيكوليها بغيت اولويز خلا حتا تحركو واحد راجل و مرة كانو حداه عاد عيط على ديك البنت تاني
أشرف :( تحدر عندها تا قرب لودنيها و دوا بصوت خافت ) اححم..واش كتبيعو أوول احم الفوطة الصحية هناا
البنت: واش طويلة ولا لقصيرة ؟
أشرف : لي كطير
شافت فيه..
البنت:تطير؟
أشرف:( تنفس بجهد و شاف فيها )اري اختي غا لي كترتاحي فيه
البنت:اوك نعطيك دلاجنحة
أشرف:آهاا هاديك الرضا
أنت تقرأ
عروس في الجنة(فداء لعشقك)كاملة
De Todo✅هيي بنت عادية.. بسيطة.. ..نشيطة..كتعشق لحياة.كتشووف لقلب لوااحد ماشي لشكلوو...ولا لتعاملو...غيطييح حبها عليه هواا....! ✅هوا..كيقولو عليه شمكار..لدااز من درب ونتا فيه قلب طرييق...كيقولوو عليه عالاا عمر يوووصل...عمرر يتبغااا...عمرر يدير عايلا مكايناش...
