عروس في الجنة(فداء لعشقك)كاملة

130 و131

130

💐عروس في الجنة💐

💔فداء لعشقك💔

داير يديه على شعرها و كيدوز عليه كيحس بقلبو كيضرب بجهد و العرق نازل مع وجهووو

أشرف :( بالغوات ) وااااعبدووو وااش غنبقاااو هناااا مكاااينش من غير هاد طريق لي دوزنا منهااا

عبدو : رااك كتشووف عللى عينك طريق را عاااامرة وأصلا طريق  وحدة لي عارف هي هااادي بلاااما تزييد تسطريسيني الله يرررحم بااك

أشرف :( زفر بجهد كيتحقق فملامحهاا  باقيي عندهاا نفس الوجه الطفولي...داك الوجه ليي كان ديما ضاحك دابااا كيشوف لحزن فملامحو  دوز رؤوس صبااعو على جبهتها..
تفكر قصة شعرهاا لي كانت تتغطي جبهتهاا بدلااتهاا كيما تبدلات شخصيتهاا....

تنهد صفورية وجهااا...وبيوضية شفايفهاا خلعوووه..بقاا كيدعي الله متوقع ليها تا حاجة ولا غيحمل راسو دنبها حياتو كاااملة تفكر واحد دعاء كانت كتقولو ليه ماماه ملي كان صغير وكيكون مريض ِ.. حط يدو على جبهتها و رددوو..بصوت خافت

أشرف :بسم الله الذي لا يضرنا مع إسمه شيئا و هو السميع العلييم

شاف فيه عبدو من المرايا..بغا تا هوا يدعي معاهاا

عبدو:ان لله وان اليه راجعون

أشرف:أش قلتي؟؟؟

عبدو:غااا كندعيي معاهااا

أشرف:ماااالهااا ميتااا الحمار...سووووق سووووق قبل متجهل ميي

عبدو:(حرك راسو..نطق بهمس)اشدانا لشي بوفرومة نحسبو ليه سنانو..

عينو على طريق تفكر حال نهى بقا بالو مشوش عليها و زاد تشطن ملي شاف سليمة فهاد الحالة...تفكر  فملامحهاا.. زاادت زياانت و كبرات.. واخا بدلات شحال من حاجة فراسها.
. نفض افكارو خايف يعاودو مشاعرو من جيهتهاا يتحركو

أشرف :( زعزعو بيدوو) وااا البشاااااار واش مكتسمعش راااك فتيي البااب ديال لكلينيك

عبدو :( نفخ بججهد ورجع باللور ) صااف صاااف الساط هاااهواااا لباااب

هبط هو لول حل ليهم الباب وهبط أشرف هزها بين يديه سبقو عبدو عيط على ليأنفغمييغ جابو لباياص حطها فيه بشوية و هو بقا لور تابعها بزربا... حتا دخلوهااا

وقف..

أشرف :(دوز يدو على وجهو بأسف)يااااربيي ياااربييييي مايوقع لييها حتى شي حاجة

ضرب عبدو فكتفوو

عبدو:مغيوووقع لها والو..ولكن اش وقع وش هادشي حتاش شافتك ؟ولكن علاش غتأترر..وهي مزوجااا ومكملا حياتها مع وحد اخر؟

تنهد بجهد

أشرف:مبقيت فاهم والو!

...

131

💐عروس في الجنة 💐
💔فداء لعشقك💔

غاديي جااي فلكوروار كيعاين طبيبة تخرج...
زاااد كالس...شاد راااسو بييين يدين...تفكر هضرت عبدو...هي مزوجاا..وتفكر هضرت سليمة وهي تتقولو بلي عيات متعاينو..

تنهد بجهد...جبد صورة من جيبوو...جزء منهاا كاين ولجزء تاني محروق...الجزء لي باقي كان صورة سليمة بكسوتهاا لبيضة...

تنهد بجهد...وسهاا للحظة

#فلاش باك

كان كالس فبيتوو..شد لبسي قداموو..كيقراا فيه الاسبانية..هادي اول حاجة طلب منو علي يديرها...هز راسو منين شاف لخدامة داخلاا

حطاات ليه برية على طبلة..بعد معلماتو بلي جات من لمغرب

تهززز من بلاصتووو...عرف بلي غيكون جوااب عبد الله على رسالة لي سيفط لوو...بعددد موصل لاسبانياا ملقاا كيفاش يتوااصل مع لي فلمغرب تيلي  ديالو مشاا..والعنوان لي حافض وعرف مولاه تيقة هوا دلقهوة دعبد الله..

علمو فرسالتو لولى بلي قطع لبحرر وراه بيخير عايش..وطلب منووو يعلم سليمة..ويطمنوو عليييهااا..ويعلم تا رقية..ويجاوبو فاقرب وقت برسالة لنفس العنوان لي جات منو هادي

عرف بلي الرد ..هزز البرية .حلهااا...جبد ورقااا...وبدا يقرا

"السلام عليكم اولدي فرحت بزاف منين وصلتي بيخير وعلى خيير ..والله يسهل عليك تمااا..انا علمت رقية وتا هي فرحات بالنسبة لبنت لي كانت تجي عندك هناا راه جات باش تعرضك لعرسهاا..وملقاتكش وراه عرضاتني ومشيت وخدييت شي تصيورات للعرس..
كنضن موسلش لها لخبار بلي غرقتي فلبحر او يمكن وصل لها وومهتماش ..على كل غنعلمهاا منين ترجع من شهر عسلهاا..ربي يحفضك اولدي والسلام.

قلبووو كيضرب بجهددد...حاااس بروحو اتخرج..هاد لهضرااا كانت كيف لخنجرر لي تغرس فقلبووو...

هزز تصاور ليي كانو مع رسالة..يدووو بدات ترجف
كيشوف فتصاور هييي نفسهاا...بلباس تقليدي دلعراسات...وبكسوتهاا لبيضة..لكسوة ليي كان يحلم يشوفهاا لابساها وهي عروستوو...

للحظة تساءل..
كفاش قدات تنساه بهاد سهولة؟؟
كفاش قدات تزوج غيرووو ببساطة...وش كاع داكشي ليي عاشوووه كان كدووووب..

هوااا باقي قلبووو مربوط معاهااا وهي نساتوو بحالاا عمر مكان..

ضرب داكشيي لي كان قداموو بزعاااف..

أشرف:كوووولشيي كان كدووووب كولشيييي...نسيتييي دغياا (كرز عليها)دغياا

شاف فتصاور عرسهاا طايحين..

هز قرعة دريحة ضربها تاتهرسات. وخلا ريحة تنتر على تصاور شي لي سهل عليه حرقهم..

كيشوف فلعافية شاعلاا فيهمم..لكن لعافية لي فقلبووو كبر وكبر..

أشرف:تااا أنااا غنساااك

تحلات لباب..دخل عبدو..كيكح

عبدو:كحح اش هاد دخان..(شاف فاشرف مصدوم)اش واقع اساط اش تدير؟؟؟

أشرف:(ميل راسو)تزوجااات أصاحبييي تزوجااات ونساتنييي بحالاا عمر مكنت

طاح على ركابيه..كيشووف فتصاورها تيتحرقوو...
خشاا يدوو جبد صورة تحرق منها لعريس بقات غير هي

عبدو:اشش تدير حماقيتي غتحرق يديك

أشرف:حرقااات قلبييي ..ومخصش نساا هااد لحرقة ..(شاف فتصويرة )
غدروه دموعوو..نزلات دمعاا حارة على صورتها...