بارت94
💐عروس في الجنة 💐
💔فداءً لعشقك💔
خرجات لبرا..ركبات لوطو و عفطات ديريكت عند نهى ...هي لي كتحس بيها و كيتقاسمو نفس الهم ..
مسافة طريق..وقفات عند بوتيك دالحوايج ..لقاتها واقفة فلاكيس كيف ديما طالقة شعرها لي زاد من طولتو ..لابسا كسيوة فلكحل..بليدين.مع صندالة بيضة....
باقا بنفس لياقتها و ملامحها المبشورة و الحزن مخلياه مدفون فقلبها قلبها ..عكس سليمة لي مشات ليها ضحكة من على وجهها ..اختفت ديك الإنسانة المرحة لي غير كضحك و ضاربة دنيا بركلة ...
توجهات عند نهى و سلمات عليها بلاما تقول تا حاجة
نهى :ماال حوبي مقلقة ..شكون كعاك ازين ؟
سليمة :الوقت لي مكعيني هاد الساعة ..بابا تاني جاب ليا واحد لخراي كالك بغا يخطبك
نهى :(تنهدات )كيف ما كان لحال را كيبقى باباك اساطة و ميرضاش بنتو تبقا بلا زواج كل اب كيبغي بنتو يشوفها عروسة
سليمة :وليتي كتهدري بحالو تا نتي ..انا مابغيتش نتزوج ..ياااربي شي واااحد يفهمني فهاد دنيا دلخرا
نهى:انا كنفهمك ابيبي متحكرينيش ...نووضي محد المحل خاوي نخرجو نتغداوو را كنموت بجوع
سليمة :ولكن انا را تغديت
نهى:(ضحكات عليها )تعاوديي تغداي ازيين
تمو خارجين...توجهو لاقرب ريسطو طلبو غير بيتزات وبقاو كيتعاودو على مشاكل الخدمة ..فحين كان شخص كالس فطابلة قريبة ليهم داير كاسكيط و نضاضر حاط يديه على دقنو... لابس لباس كلاص... حس بطيلي ديالو كيزنزن فجيبو ...دوز لابيل و هدر بلكيت وعينو عليهم..
قطع بزربة منين شافهم غينوضو....ناض دغيا..توجه عندهم بخطوات سراع
سليمة(طلعات عينها فيه مصدومة)نتاااا!!!
هوا:(مصغر عينو)توحشتك بزاف
أنت تقرأ
عروس في الجنة(فداء لعشقك)كاملة
De Todo✅هيي بنت عادية.. بسيطة.. ..نشيطة..كتعشق لحياة.كتشووف لقلب لوااحد ماشي لشكلوو...ولا لتعاملو...غيطييح حبها عليه هواا....! ✅هوا..كيقولو عليه شمكار..لدااز من درب ونتا فيه قلب طرييق...كيقولوو عليه عالاا عمر يوووصل...عمرر يتبغااا...عمرر يدير عايلا مكايناش...
