عروس في الجنة(فداء لعشقك)كاملة

من 70 ل80

70
💐عروس في الجنة💐

وقف بيهم..طوبيس...نزلو..توجهوو لمحل با جلول...
كان محل دلالبسة لمستعملة..وحتا جديدة..لي جايا من بردة جودة عالية وثمن رخيص.بدااو..يختاروو . فلحوايج..

زاادت سليمة...تتشوف فحوايج لبنات..هزات وحد لكسيوة...وسعات عينيها..حيت عندها بحالهاا..

سليمة:هاديي

نطق راجل منين شافها عجباتها

جلول:هاديك ابنتي لمليح لمليح بتكيتها ...جديدة...25 ..ولكن حيت نتي من جهة عبيقة خوديها ب15

شافت فلكسوة..وشافت فيه

سليمة :(ضحكات باستفزاز)15 هاء اناا راه وخداها غير بعشرا الااف اشريف..ونتا كالس تغلي تاكل رزق عبا...

قاطعها

جلول:15 لدرهم ابنتيي اشمن الف . ..

وسعات عينيها بعدم..تصديق

سليمة:تضحكك ياااك..هادي راهااا بحال لي خدييت..كفاااش زعما وش خورونيي

عبيقة؛ومن ناحية خوروك راه خوروك...شفتي دوك لبنات دلافاك..معامن تتقراي ..ووتعاندي معاهم راه نصهم كيجي يشري من با جلول..جوطياا رخااا والجودة لا غلاا على مسكين...(غمزها)محدك هنا استغلي لفرصة...

زاادت بزرباا...تتقلب فلحوايط وصبابط...وتجمععع...

شافهاا تتجمع يقول مجريين عليها

عبيقة:ودابا جيتي على حسابي ماشي على حساااابك...ختاري لييي...

سليمة:(كتحرك راسها باه)نختار نختار متخافش نختار

لاحت داكشي من يدها.

سليمة:غنختار لك...ولحوايج لي بغيت تا نجي مع نهى ونختارو

جلول:مرحبا ابنتي سبت ادخل سلعة جديدة..لجيتي مغتندمي

ضحكات ليه..وزادت تختار لعبيقة لحوايج....ختارت ليه ستة دلبياساات على دوق صحبتهاا..

خرجو من لمحل ...بعد مشراو لحوايج .

توجهوو نشان لحلاق...لي كيد لي ليميش...خلاا لفوق فيه.شعر...ومن لتحت محسنووو...

بعد مسلاو...توجهوو...بحالهم..

مسافة طريق..نزلو من طوبيس..تمو غااديين على رجليهم...

سليمة:قولي اشرف فين خدام؟

شاف فساعتو

عبيقة:وهوا خدام فقهوة بعيدة شويا من هنا..ولكن دابا قرب وقت لغداا...لبغيتيي...يلاه عاينيه فدار.

سليمة:شنوو هوا ؟نعاينوو معاك بعقلك..صافي غنمشي تا لعشية..ونجي ديني لقهوة ؟؟؟

عبيقة:تلاحي انا نمشي ندوش كلاني زغب .ونلبس شي لعبة من هادوو ..ولعشية لبغيتي نديك لقهوة...جيبي معاك نهى(ابتسم بشر)جيبي صحبتك نديك عند صاحبي فيفتي فيفتي