💔فداء لعشقك 💔
97
بعد ساعة..كانت داخلا لكوميسارية.
وقفات كتفرك فصباعها ..بان ليها وحد لبوليسي جاي لجهتها..
توجهات لعندو...
سليمة :عافاك أخوياا انا بغيت نهدر مع الكوميسير لي مكلف بقضية أشرف
البوليسي :اشرف شكون اشرف؟؟؟
سليمة:لي تشد بتهمة نصب واحتيال..على سليمة لوردي لي هي انا
البوليسي:اري لاكارط ناسيونال ديالك
جبداتها من صاكها و عطاتها ليه كيتحقق من هويتها ..شاف فيها و مدها ليها
البوليسي :عرفتك الأنسة ..تفضلي معايا
غدا و خايفة ..خايفة لميبغيوش يخرجوه و يضيعو ليه سنين من حياتو وصلات قدام المكتب و خدات نفس عميق دخل داك البوليسي بوحدو فلول ..وملي خرج دخلها
البوليسي:تقدي دخلي عند لكوميسير لي مكلف بلقضية
سليمة :سلام عليكم
كوميسير :(هز فيها عينو )وعليكم السلام ..تفضلي كلسيي
كلسات ساكتة غير كتشوف تا عاود نطق
كوميسير : سليمة الوردي .. نتي لي نصب عليك داك شمكار وتقمص الشخصية دخطيبك
سليمة :(مصدومة)لاااا ههااادشيي ماا منووو تااا حااجة ..هاداك لي جابكم غي كدب عليكم (بداو كيهبطو ليها دموع و هو كيشوف فيها )
كوميسير :شنو علاقتك بييه ..
سليمة :(بقات كتمتم عليه )هووو هوو
كوميسير :امم فههمت ..هادشي كيتسمى لعب دراري ..مصاحبة مع جوج ..جايبة واحد لحفلة و لاخر جاب البوليس ولكن بجوج مدمدمين (تنفس بجهد وجبد واحد الورقة من لابريمونط ومدها ليها )هااكي سيني و هو شوية و يخرج ..ناقصنا حنا تبرهيش لبراهش
سينات الورقة وخرجات كتنخصص...مبغاتش تزيد معاه لهضرا ولا تشرح.. حسات بالحكرة حيت عمرها تحطات فبحال هاد الموقف ..سمعات طيلي ديالها كيصوني ..لقات طبيب دباباها علمها بلي فاق...
تنفسات بجهد...ضحكات من قلبها...نسات كاع تعامل لمزفت لي تعامل معاها لكوميسير...
شدات على قلبها وهي تتردد
سليمة:الحمد الله الحمد الله
بقات على حالتها لدقايق
جمدات بلاصتها منين سمعاتو عيط..ليهاا......
دارت بزربة...بان ليهاا..اشرف..واقف كيشوف فيها...مصغر عينووو...نطق..بصوت مبحوح
أشرف:البرهوشة
سليمة(ضاحكة ودموعها نازلين)شميكروووو
زادت بجرا..ترمات.عليه معنقاه...حوطهاا بيدوو..تا تهزات..
بعدات عليه..شويا
سليمة:سمح لييي أا(هزات فيه عينيها...خرجاتهم مصدومة..منين شافت اثر ضرب فوجهو) شكوون دااار لك هكدااا؟؟؟
أنت تقرأ
عروس في الجنة(فداء لعشقك)كاملة
Aléatoire✅هيي بنت عادية.. بسيطة.. ..نشيطة..كتعشق لحياة.كتشووف لقلب لوااحد ماشي لشكلوو...ولا لتعاملو...غيطييح حبها عليه هواا....! ✅هوا..كيقولو عليه شمكار..لدااز من درب ونتا فيه قلب طرييق...كيقولوو عليه عالاا عمر يوووصل...عمرر يتبغااا...عمرر يدير عايلا مكايناش...
