عروس في الجنة(فداء لعشقك)كاملة

64 و65

64

💐عروس في الجنة 💐

أدم:(هدر بإنجليزيية  )
Honestly I love America . it's such a wonderful place for business men

""بصارحة أنا كنبغي أمريكا..وهي افضل بلاصة لرجال الاعمال ""

أشرف :(طلع فيه راسو و عاود هبطو بشوية    لي كياكل اما سليمة سرطات ريقهاا كتدعي الله يدوز هاد شي على خير )

أدم : (شافو ساكت و هو عاود يسولو
It isn't? Ehm what do you prefer more, America or Morocco?

"ونتا شنو تتفضل امريكا ولا المغرب"

حطات يدهاا على حلقها..شادة لبكية عارفا اشرف مفهمس اش قال..وعارفا بلي لعبة سالات فبدايتها..

أشرف :) شاف فيه و بتاسم نطق ببرود ..)

Of course Morocco, actually I prefer anywhere my bae is

""بالطبع المغرب...فالحقيقة كنفضل اي بلاصة  فيها حبيبتي""

خرجااات عينيهاا...تتشوف فييه بعدم تصدييق..

أدم(حرك راسوو بشويا)Oh Good

شااف فسليمة..لي حالا فمها غير تترمش

أشرف:(حنحن بصوتو)احم شفت كااع متتاكلي كوليي

دوزات يدها على وجها

سليمة:اه لماكلاا..اه بصح خص ناكل

هز حسن راسو فاشرف...

اشرف(ابتسم)شفتي كنعرضها فدارها

حسن:اهمامك بيها شي حاجة لي ريحات قلبيي

أدم:(تم نايض)بصحتكم انا شبعت

حسن:باقي ديسير اولدي كلس تاكل

أدم:كليت تا شبعت ليوم اعمييي...مهم لملف راه حطيتو فصالون قبيلا تقدر توقع منين يكون عندك وقت..انا غنمشي

(شاف فسليمة واشرف مبتاسم بزز)

ادم :الله يعاونكم اعصافير الحب

هزز راسو فيه اشرف..ميل راسو وهوا مخنزر

أشرف:الله يعاونك اطيربكر

أدم(خرج عينو فيه)What???????

....

65

💐عروس في الجنة 💐

شافت فاشرف...مصدومة...بدات تضحك..بشويا..ضحكة غادا وتتجهاد

سليمة:هواا قصد انك سيليباتير...طير بكر هواا طير لي تا بع غيير صحابو فين مكانت شي زبالة كنلقاوه فيها.(عضات شفايفها )زعما فين مكااانت شي جردة..كنلقاوه غير مع صحابو لا مرى لا ولاد..طير خاص بلعازبيين..

حرك راسوو بشويا

آدم:طيير بكرر (تنهد ..بعدم اهتمام)نخليكم.

حسن:عاين اولدي نوصلك لباب

ادم:مكين لاش اعمي

تم نايض..

حسن:غير زيد اولدي

زادو بجوج فحين..سليمة ساطت بجهد..شافت فاشرف..

سليمة:لااااش تتكلاااشيي فييه..وقدااام بابا..

أشرف(طلع حاجبو )بقااا فيك تبعييه خليه يكون اول طير بكر بمرتو وعجولاتوو

سليمة(ساط بجهد)لاا هوا كلاشيه يعنييي اصلا يستاهل..ولكن ماشي قدام بابا...

اشرف:اصلا صححتي لموقف عادي دازت

سليمة:اه اجييي وكفاش تعلمتي لانجليزية؟؟؟وعارف بلايص فامريكاا انا معرفاهمش؟؟؟كيفاااش ؟؟

أشرف(هز كتافو)ماشي سوووقكك...مهم انا خصني نمشي غدا فايق بكري

سليمة(دلات شفايفها )غدا خدام

حرك راسو باه

سليمة:اه يدخل بابا كول ديسير وسير..ولكن مطفيش تيلي غداا يعني لكانت شي حاجة مهمة غنتاصل بيك

كانو واقفين حدا لباب...كيشوف فادم..نطق وهوا مركز على عيون ادم..

حسن:عارف اولدي بلي نتا طلبتي يد سليمة..ولكن لبنت عندها ولد فحياتها وهواا ولد ناااس...يعني انا مغنبززش على بنتي انها ديك..وخا كن داتك بلفراحة عليا...ولكن كيبقا قلبها لي ختار..نتمنا تقبل قرارها كيف تقبلتو

ادم:اكيييد اعمييي اكييد كنتمناات لهم سعادة من قلبييي..غير كون هاني من جهتيي

سلم عليييه...وتوجه لوطو...ركب وهواا مبتاسم..كيشير لحسن بباي باي...

تلاشات ابتسامتو منين شاف حسن داخل

أدم:شكووون هدااا ليي خرج لي فطريقي داباا...غنعرفك شكون نتا وولدمن نتا ونرجعك منين جيتي اناا بغيتها قبل منككك وغتكون لياا