🍁عروس في الجنة🍁
💔فداء لعشقك💔
103
طل أشرف براسو ودخل فيه نوع من الحشمة كيشوف جيهة حسن ..اما سليمة تبلوكاات معرفات اش تقول
أشرف :السلام وعليكم
سليمة و حسن :وعليكم السلام
أشرف :كيبقيتي أعميي لاباس علييك
حسن :اللهم ملك الحمد(شاف فيه نضرة حادة)مزيان نيت لي جيتي اولدي عندنا بزاف دالهدرة بيني و بينك (شاف فسليمة )خرجي خليني نهدر مع الولد
سليمة :(تهز ليها قلبها)ولكن ابابا غا خلييني
حسن :هدرة وحدة لي غنقولها ..خرجي هي خرجي و سدي الباب من موراك
ناضت من بلاصتها وصلات تا لحداه وشافت ليه ديريكت فعينيه بحالا كتقول ليه الله يوفقك و يكون معاك و زادت سادا الباب من موراها حابسة البكية ...
حسن :كلس اولدي متبقاش وااقف
أشرف :(جر كرسي و كلس مقابل معاه )عارف اعمي فاش باغي دوي معايا ..تيقني عمرني مفكرت نأديها و نادم بزاف حيت دخلت فهاد اللعبة و كذبت
حسن :(قاطعو)من ليوم كلشي سالااا ...ونيت انا عرفت كولشييي ...مكاين لاش دابا تبقى مع بنتيي ..انا موافق نزوجها بخطيبها ...لا نتا لأدم غتبقااو تابعينهااا ...مهمتك سالاات من هاد اللحضة..وحتا لفلوس لي واعداتك بيهم سليمة عطيني حسابك نسيفطهم ليك و سير عيش حياتك بعيد علييهااا
أشرف(بقا مصدوم كيشوف فيه مخلاش ليه الفرصة فين يهدر ولا يعبر عطاه كووولشي دقة وحدة ..بقا كيرمش فيه ..سرط ريقو و دوا )احم ..(حرك راسو بثقالة)عرفاتك على الانسان لي كتبغي؟
حسن:اه وبصارحة كن عرفتو فلول كاااع منوقف فطريقهاا شخص مهم معندوش سوابق...ونقييي...وغيعيش بنتي ملكة
أشرف(سرط ريقو )عندك الحق المهمة ديالي سلات ...تال هنا و باراااكاا ...كنتمنى ليها حياة سعيدة مع الإنساان لي كتبغيي ولختار ولي غيردها ملكة
تم واقف..
حسن:قبل متمشي عطيني حسابك نحط لك لفلوس
عاطيه بضهر .حط يدووو على قلبووو..
أشرف:شيي لي دااات مليهش ثمن..(تنهد)بشفا
خرج بزربااا
...
🍁عروس في الجنة🍁
💔فداء لعشقك💔
104
خرج من عندو..قلبو و روحو بحالا محطوطة عليهم حجرة كيحس بواحد الضعف لدرجة ولا واقف غير بزز ...
اما سليمة كانت كالسة بعيد على الغرفة غير شافتو ناضت كتجري عندو
سليمة :شنووو كااالك باابااا ...انا عاارفاه غيكون خاصم علييك ولكن مسححهااا فيااا اناا (شافتو ساكت وهزات يدها عندو ململاتو)ااشرررف مااالك ساااكت
أشرف :(تنفس بجهد و بتاسم)لااا مݣاال ليااا وااالووو ...مكال والو اسليمة والو.
ولكن لحد هنااا و براااݣااا ملي كولشي تفرش وباان ..انا معندي منبقى ندير هنااايااا معاك
سليمة :(بتسائل)ولكن ااش كتقوول علاياش هاد لهضرا دابا؟
أشرف :شششش خلييني نكمل ...عاونتتك حيت بقيتي فيااا ومبغيتش حيااتك ضييع .درت داكشي لي قالي ضميري ندير..
ولكن لبقيت معاك انا غنضيعك ...و نيت كان خاص هادشي يوقف هنااااااا ..باباك مبقاش باغي يزوجك غير تهناي...مهمتيي كملتهااا...
شي لي جمعنيي بيك درتووو..تقدي دابااا ترتاحييي...حيت مغاديش يبزز عليك شي حددد...
سليمة(بصوت مهموس)ششش تتقول
أشرف:صافييي سالينا..ساليت خدمتي..لي بغيت نقول (ابتسم).الله يسهل علييك مع داك ولد النااس لي كتبغيي (بقا ساكت شوية كيتأمل و يحفض فملامحها ) كنتمنى تجمعو فاقرب وقت وكنتمنت منتلاقاكش مرة خراا ..
سليمة:(غرغرو عينيها بدموع )شميكييروو(كتحرك راسها بلا)ولكن اش واقع..؟علاش تتقول هكدا علاش..
(يلاه جات تشد فيه ورجع بخطوة لور )
أشرف :مواقع والو..خدمتي سااالات وبشخص لي بغا اتجمعي خصك تكوني فرحانة...(تنهد)بسلامة
تمم غاديي مبعد عليهاا...وقف جامد بلاصتو منين نطقات
سليمة:ولكن انااا كنبغيييك نتاااا
أنت تقرأ
عروس في الجنة(فداء لعشقك)كاملة
Random✅هيي بنت عادية.. بسيطة.. ..نشيطة..كتعشق لحياة.كتشووف لقلب لوااحد ماشي لشكلوو...ولا لتعاملو...غيطييح حبها عليه هواا....! ✅هوا..كيقولو عليه شمكار..لدااز من درب ونتا فيه قلب طرييق...كيقولوو عليه عالاا عمر يوووصل...عمرر يتبغااا...عمرر يدير عايلا مكايناش...
