#ماذنبي انا...باللهجه العراقيه مكتمله.. احلام السعدي

جزء الثاني. بارت الاول.

ماذنبي انا.

للكاتبه كوثر السعدي.

ـــــــــــــــــــــــــــــــــــــــــــــ

غلتِ الحياةُ فإِن تردْها حرةً كن منُ أباةِ الضيمِ والشجعانِ واقحمْ وزاحمْ واتخذْ لكَ حيزاً تحميه يومَ كريهةٍ وطعانِ.

ـــــــــــــــــــــــــــــــــــــــــــــ
سلام عليكم.

شتاقيتولي.

بلبدايه خلينه نرجع للاحداث القديمه.

وره ماجبت زينب.

عبالكم عشت مرتاحه.

الكل حجه عليه بقرار اختصاري للقصه بهيج نهايه. بسرعه اختصرتها.

بس جنت مكتأبه كلش وحبيت انهيها. لان الحياه ماتخلص من المشاكل.

خاصه اني. هوايه هوايه عندي مشاكل.

اي نعم اني شادن. الي يحبها آصف.

مكتأبه. وضايجه. وكارها الدنيا ومابيها.

عبالكم تزوجت اشجان.

اني هم عبالي تزوجت وخلصت منها. بس شي ماتوقعتها يسويها بيه آصف.

نشوف الاحداث ونحكم.

جنت كاعده ارضع زينب. بأيدي. عمرها ٥ اشهر.

واناغيلها. واضحكلها.

ماتريد ممه. ماتحب.علمتها عله صدري.

بتسمت واني اشوفها منشنشه. ومربربه. كلها عليه.

حلوه كلش عله آصف.

اشوف ابوها بيها. صفنت واني ابتسم. شوكت يدخل آصف للغرفه.

اسمعه يححي ويه مراد ويه يونس. توه جا من الحشد.

اول مره مااستقبله. بسبب زينب.

اخاف يضوج.

دااريد ابعد زينب. ماتقبل.

ضحكت... ولج يجلبه هسه ارجعلج بس اسلم عله ابوج.

ماتقبل معنده وجوعانه.

نفتحت الباب.

باوعلي. ودار وجهه عليه.

لسا زعلان مني. من اول البارحه اتصلت عليه حته اروح لااهلي ماقبل وسديته بوجهه. وبعد مااتصل عليه. ولا اني اتصلت عليه.

تقرب يم زينب.

باسها وشمها. وصاح ها يلروح. ها يلگب مالت ابوها.

وهو متقرب من زينب. بسته من خده. اسفه. ضوجتك.

باوع عليه.

بتسمت واني اشوف العيون الي احبهن. يباوعن عليه.

همس بأذاني. رضعيها. دااحجايج.

ضليت هوايه انتضر الي ان نامت.