#ماذنبي انا...باللهجه العراقيه مكتمله.. احلام السعدي

البارت ٣٠

ماذنبي انا.

للكاتبه احلام السعدي.

ـــــــــــــــــــــــــــــــــــــــــــــ

والموتُ حقٌ ولكن ليس كل فتىً يبكي عليه إِذا يعروهُ فقدانُ.

ـــــــــــــــــــــــــــــــــــــــــــــ

باوعت عليهن.صحت شجابجن هنا..

باوعن عليه بستخفاف..

افنان.... وانتي شكو اني جايه بيت ابن عمي.

غسان.... شادن شبيج. تره ذني خواتي.

...بعصبيه...... اي بس انت متعرف شسون بينه هنة الاثنين.. اطلعن بره يلة...برة..

اباوع عليهن كعدن بسرعه ولا كانو سمعن شي.

.....هي انتن معدجن حية..اطلعن بره مااريد ادخل بيتي سحورتجن..خلنه هذا البيت طاهر..

اباوع.....عليهن مايهمهن.وهتوف وشمايل وغسان يهدؤن بيه.

صرت اعصاب اكثر.وبس احجي عليهن بعصبيه.اباوع علة ايديه ترجف من العصبيه.

عاد صعدت فوك...دورت بالغرفه علة آصف.ماكو. سمعت صوت الدوش..عرفته دايسبح.

دكيت الباب كل حيلي وبعصبيه..

هو صاح بسرعه. وبعصبيه.منو شبيكم.

بعصبيه... أطلع من الحمام لو اكلب الدنيا..اطلع..والله اذا ذني الاثنين ميطلعن من بيتي هسة لااحرك الدنيا علة روسكم.

سمعتة سكت...وطفه الدوش.

جنت افور.اروح ذهاب واياب.واعصاب صايره.

بسرعه فتح الباب...جان لابس بس شورت.صاح بعصبية.شكو شبيج..شداتلغين.وليش هيج تدكين الباب.

. بعصبيه..كول لنفسك.احجي.ليش جايب هذن الاثنين للبيت..وانت تعرف شنو الي سونه بينة.وشسون مصايب.

آصف بعصبيه وبحده..نصي صوتجولاتعلي.وبعدين تعالي اكلج.مننه الي جبتهن للبيت.

.....مننه غير ذني المنحطات السافلات.السرسريات.اشجان وافنان.شوف اكل.والله اذا مطلعن من البيت هسة اني اطلع.

باوع عليه....ولزم ايديه حيل.وكال شنو هالالفاض الطايحه الحظ. الي داتلغيهن.ولج من شوكت صرتي تلفضين هالالفاظ بدون متستحين.

باوعت عليه.....ودفعتة.بعصبيه.طلهن بره.كتلك والله اذا يبقن دقيقه وحده هنا.اني اطلع من البيت.

لزم ايدي حيل.اني اعلمج.اطلعهن واجيج اني اعلمج.

دفعني بالكاع.وكعت.وهو.لبس ملابسه. بسرعه ونزل للصاله..

جنت فاقده اعصابي.كلش.كرهتهن ومستحيل اخليهن يجني للبيت مره ثانيه..الله اليعلم شراح يسون بيه وبآصف ومراد وميان..جنت كلش خايفه انو يبعدوني عن آصف..ويبعدون مراد عن ميان.لان اعرف بيهم يسونهة وبسهوله يكدرن يطلكوني.