#ماذنبي انا...باللهجه العراقيه مكتمله.. احلام السعدي

البارت. الثاني

ماذنبي انا.

للكاتبه احلام السعدي.

ــــــــــــــــــــــــــــــــــــــــــــــــــــــــــــ
إِنَّ للآمالِ في أنفسِنا لذةً تنعشُ منها ما ذَبلْ لذةٌ يحلو بها الصبرُ على غَمَراتِ العيشِ والخَطْبِ الجللْ.

ــــــــــــــــــــــــــــــــــــــــــــــــــــــــــــ

نزل راسه.....

واني  وكعت. ولازمة فكي.  واشهك اريد هوة. ماكو. صرت اشهك واشهك.الي ان جتي يمي هتوف وهاي البنية الي وخرتة مني. ويريدن ويحاولن ويايه احجي. بس اشهك مكدر احجي.

اباوع عليه ودموع بعيوني اعاتبه اني شنو ذنبي اني ماادري شدايصير وشنو الي دايصير.

.هو واكف ويكول انشالله تموتين يارب.حيل تستاهلين . حتة بعد لاتتجاوزين.لك اني تجاوز علية هاية الزعطوطة.

باوعت علية .... واني اكح وعيوني تدمع.

جابولي مي غسلوني بي. ورة شوية  يلة. كمت يدخل علية الهوة.واني ملهوفة وروحي  داتطفر.والبنت اليمي تكلي  اهدئي مراح يأذيج لاتخافين.

كامت البنت.وكالت.آصف شنو هاي. ليش هيج. جان ماتت بين ايدينا. لوما لحكناها هية شنو ذنبها بس كلي.

آصف......ذنبها لانها بنتة..ذنبها لانها بنتها.شلون ما أمي  وابوي ماتو حموتها شوية شوية.

سكت ورجع كال..... وكل من ورا ابوها. صرنة فضيحة وناس يحجون.عله لشرفج.وله امها خلينه ساكتين.

آصف.... واني الي يأذي شمايل اختي اموته خلاص.

شمايل....بس هية مأذتني هية مدخلها لاتنتقم وترجع تتندم هية مالها ذنب.

آصف....لا الها ذنب. رجع باوعلي بحقد وبس يخنزر وني ابجي. وكال بعدج مشفتي شي من انتقامي والله لااوريج نجوم الضهر.شلون ماصار بشمايل اسوي بيج اكثر.

باوعت علية بحقد صرخت بوجهة  اعلة مابخيلك اركبة موخايفة منك. فتهمت.

لزمني من شعري مرت الثانيه. وهتوف وشمايل يحاولن يدفعنه عني. بس هو لازمني حيل.

كال بعصبية وصاك سنونة ولج صوتج ميعلة فتهمتي.صوتج ميعلة اكسرج بنت النعال.

دفرني حيل وطلع. واني اكلة ياحقير الله ليوفقك ياحيوان .

هو دايرجع يضربني.بس شمايل كالت. عوفها يمعود حتموت بين ايدك عوفها.

آصف....هو اني هذا الي اريدة.

شمايل... عليك العباس روح بداعتي عندك.

راح وسد باب الغرفة كل حيلة.

كمت ابجي واحجي علية الله لايوفقك.

شمايل....انتي شسمج.

باوعت عليها وكومني وخلني عالسرير.