#ماذنبي انا...باللهجه العراقيه مكتمله.. احلام السعدي

البارت ٣١

ماذنبي انا.

للكاتبه احلام السعدي.

ـــــــــــــــــــــــــــــــــــــــــــــ
إِنما الموتُ مُنْتهى كُلِّ حي لم يصيبْ مالكٌ من الملكِ خُلْدا سنةُ اللّهِ في العبادِ وأمرَ ناطقٌ عن بقايهِ لن يردا.

ـــــــــــــــــــــــــــــــــــــــــــــ

...... آصف كلي هذا الفيديو حقيقي لو لا.

مهند..... هه ماراح يكلج لان كلشي مبين..

آصف...... مهند انت لاتزيد علينه كافي كل الي سويته بينه.واني لحد هسه ساكتلك.

مهند..... لاتنهزم من السؤال جاوبها..يله.. وتخصر..ويضحك.

باوع عليه.... وكال ماراح اجذب اني.. والله شاهد عليه..

هذا الفيديو.. من قبل لااتزوجج او من قبل لااتزوج مريم من الاساس..جنت طايش.

ماما..... يعني شنو تريد تكول.

اني ضليت اباوع عليه. ماعرفته.ماجنت اعرف هو هم من هذول الناس.بس شنو يفرق عنهم هسه.

آصف......باوع عله ماما. كلتلكم. وراح اضل اعيد هذا قبل..بس اقسم بالله من تزوجت شادن. اقسم بالله ماباوعت عله مره غيرها.

رجع باوعلي وكال.تريدين تصدكيني صدكيني.ماتريدين.مااعرف.اني انتضرج بالسيارة لخمس دقايق..اذا انتي ماجيتي.بعد لو شيصير مااجيج ولااوصلج.

راح...وباوع عليه مهند.

مهند.....تريدين ترجعيله مو.

سكتت ونزلت راسي..واتذكر الفيديو..الفيديو عباره عن آصف وبنت..دايتباوسون بطريقه مقرفه. وهستوها داتنزع البنيه ملابسها. طفه الفيديو.

ضل بالي سؤال.... منو دزه لميان.

هاي البنت خلتني اكره آصف. وانعمه عليه. طريقه بوستهم.. قرفتني. عباره عن شهوة. يعني جان عندة بنات.اني هسه شلون اصدكه بعد ماشفت هالفيديو. طريق صار صعب ويا.ضليت افكر شنو اسوي .انسه الي صار واروح ويا. لو اعوفه

فكرت بس.هو كال اقسم بالله انو من تزوجني ماباوع عله اي وحده.

مهند.....ها شكلتي.عاد.لتطكيها صفنه.وانتي غبيه اذا ترجعيله.

ماما....مهند..تره بلكوة لازمه نفسي عليك كافي عاد....يله شادن.البسي.

مهند....ماكو رجعه..يعني ماكو رجعه..يله لغرفتج.

ماما.....مهند.انت شنو تريد تسوي.

اباوع عليهم كلش معصبين واحد يرد للثاني.

عاد مهند لزمني حيل.ودخلني لغرفتي.وقفل الباب.

دكيت الباب قوي وكتله.مهند.افتحلي الباب.اريد اروح.افتحلي.