ماذنبي انا.
للكاتبه احلام السعدي.
ــــــــــــــــــــــــــــــــــــــــــــــــــــــــــــ
إِنما تدركُ غاياتِ المنى بمسيرٍ أو طِعانٍ وجلادِ واللبيبُ الحيُّ لا يَخْدعهُ لمعانُ الآلِ عن حِفْظِ المزادِ.
ــــــــــــــــــــــــــــــــــــــــــــــــــــــــــــ
كعدت ابجي. هواية اذاني مجان يبوسني بهداوه. جان وحش.
كمت من عالسرير.واني متغطية بلحاف و أون من صدري مجنون والله.
باوعت عالمراية.أثار بركبتي وبصدري كلها زركة. هذا وحش والله وحش مو انسان.
نفتحت الباب
اني وكفت متصنمة. وتغطيت زين.
هو بس يغلط ويفشر علية مسكت ابدا.
نطيتج مجال هواية تتمادين. ولج من الاول كلت هاي مينطيها مجال. بس حجيت وياج بهدوء وكتلج اسكتي. وانتي عليتي صوتج. كتلج اكعدي سمعيني. وماتسمعين ونوب تكولين تطلكين.
كل هذا واني واكفة يم المراية.ابجي.
وهو يدور ملابس اله.
اي اطلك.. بس اخذ دم منكم.او اخذ كل شي اريدة منج. اني مو آصف اذا مااكسر راسج هذا اليابس.
دخل للحمام.... سد الباب حيل.
جفلت.كعدت عالسرير. وكورت نفسي وارجف.
ورة بعشر دقايق. طلع من الحمام جان ملابس بس شورت.
نشف نفسه وهو يتوعدلي الا اكسرج. اني اعلمج.
لبس القميص.وبنطرونه. وطلع من غير مايمشط شعرة.او يخلي عطر.
كمت عالكيفي. رحت طلعت ملابس. ورحت للحمام.
سبحت وبدلت. من الضربة راجدي مالتة. اباوع عالنفسي وجهي كلش شاحب واصفر.
نمت واني اتذكر وحشيتة. واني انام كمت اكول اكرهك آصف.
كعدت فتحت عيني بثقل.بلكوة فتحتهن. كعدت افكر بحياتي. اني اضل هيج مكفخة. كافي عاد كافي. اني لازم اطلع من هذا المكان وبسرعة هم. بس شلون اطلع. ماكو غير حل واحد انهزم. اي انهزم. راح ادوس عالقلبي. وانهزم.
كمت لبست شالي ونزلت.
لكيت بيت العم ثابت جايين كلهم. مهتميت.
باوعت علة غرفة. محد يساعدني غير هو مستحيل احد يساعدني غيرة.
دكيت الغرفة اكيد هو هنا.
فتح الباب جان ملابس قميص. نزلت راسي بسرعة.
مراد..هلا ششادن. تحتاجين شي.
بلعت ريكي وحجيت اي.
راح جاب قميصة ولبسة.واني لساتني عالوكفتي يم الباب.
أنت تقرأ
#ماذنبي انا...باللهجه العراقيه مكتمله.. احلام السعدي
Chick-Litووكعني حيل.صرت ابجي بهستريا.واكول ارحمني. آصف.. كافي. انت تضلمني. هو واكف.... وكال اني شسوي هسة يالله شسوي.اذبحج واخلص من شرج.. اكتلج هنا. جان يحجي بحركة..وحتة صوتة من العصبية رايح.ايدية ترجف. خليت راسي عالرجلة الواكفة.. اني مااستاهل كل هذا. انت م...
