#ماذنبي انا...باللهجه العراقيه مكتمله.. احلام السعدي

جزء الثاني. البارت ال١١ الاخير

ماذنبي انا.

للكاتبه كوثر.

ــــــــــــــــــــــــــــــــــــــــــــــــــ

والموتُ حقٌ ولكن ليس كل فتىً يبكي عليه إِذا يعروهُ فقدانُ.

ــــــــــــــــــــــــــــــــــــــــــــــــــ

بجيت وضربته حيل. حقيررررر. ليش تأذيني هيجج.

كلهم يصيحون آصف لااا ليش هيج وكعت كلوبنه.

اضرب بي واصيح حيوووووان حيييوووووان.

ضحك.... اشاقه والله اشاقه. ماكدرت. كلت راح افقدج مره ثانيه سويت هالتمثيليه.

آصف.... تره هذا ويايه. بالتمثيليه.

اشر عله مهند.

مهند صاح.... يااااحيوان ياكلب كلت ماراح تكول لااختي.

صحت عليه بعصبيه... هيج تبيع اختك علموده. هذااا.

مهند... هذا الكلب طلب المساعده مني ولهذا قبلت وكتله لاتكولها. بس هو كلب. شيصير بعد.صدك من كالت اختي عليك حيوووان. شكد سافل.

حضني وحضن شمايل. يضحك. بعده كاعد بالكاع.

مراد ويونس بس يرزلون بي ومراد وعمي مالك كعدو ولازمين كلبهم. خافو صدك عليه.

عمه حوراء مو شافت هاي تمثيليه. لزمت اكو ماعون سفري بايديها بي تمن. شمرته عليه وتكول خرب ببليسك والله وكعت كلوبنه.

امي خطيه هم تأذت.

بتعدت عنه وصحت رروووح آصف روووح. روح. مااريد اشوفك.

كام نفض نفسه. وكال اروح. باجر انشالله اجيب سيد ونروح محكمه نعقد مره ثانيه. مو بكيفج ماتقبلين. هاااا وبعدين نروح نشوفلنه قاط الي وفستان الج لان وره باجر الخطوبه مالتنه.

...... بس. شنو ماحجيت ويايه بهيج سوالف. شنو بكيفك تقرر. مو كتلك لازم تستشيرني بكلشي.

آصف... وهسه حجيت. والله قد اعذر من انذر. اذا ماتقبلين وعلي اجيبج سحل اليه. بدون عقد ولاصخام.

ضحكو الكل.

ولساتهم ضايجين منه كلش من التمثيليه مالته.

طلعو الكل واحد يدور نعاله. واحد يدور جنطته.

شويه وطلعو. عزلت البيت ويه شمايل وامي.

بدلت وكملت. اتصل عليه آصف.

باوعت بقهر علرقم.

مارديت.

دز رساله. عرفت ماراح تجاوبين والله. بس اريد اسمع صوتج دزيلي بصمه عالواتس. بداعت امج بروح زينب. اذا تعزيني ولو شويه. مااكادر انام. مشتاق الج.

بجيت.

ياربي. شكد صعبانه عليه. شكدد. سالفه بنتي ماتروح من بالي ابد. منقهوره كلللش.