#ماذنبي انا...باللهجه العراقيه مكتمله.. احلام السعدي

جزء الثاني. البارت التاسع

ماذنبي انا.

للكاتبه كووثر.

ــــــــــــــــــــــــــــــــــــــــــــــــــ
إِنما الموتُ مُنْتهى كُلِّ حي لم يصيبْ مالكٌ من الملكِ خُلْدا سنةُ اللّهِ في العبادِ وأمرَ ناطقٌ عن بقايهِ لن يردا.

ـــــــــــــــــــــــــــــــــــــــــــــــــــ

ضربته حيل. حقيييير. الله يلعنننك. سااافل.

ضحك..... اسف اسف والله اسف. مسدس بس صوت مابي طلق. مو حقيقي. بس حبيت اعرف انتي تحبيني لو لا. لان كلامج البارحه قهرني.

كمت ابجي واصيح عليه. حييييييووووووان.

حضني حيل.

يبوس براسي. اسف شبيج.

كمت ارجف وابجي. حقير كلبي راد يوكف والله.

يحاول يهديني. مايكدر.

آصف... يابه والله أسف. شبيج. شو باوعي عليه. مابيه شي والله.

...... الله يلعنك.

آصف... يلعني يلعني. بس المهم عرفت انتي لساج تحبيني.

...... اكرهك. اكرهك عف عني اتركني. مااريدك. واحد يكعد من الصبح. يرتاح ويتريك ويشتم هوا حلو اني اكعد عالحجيك الماسخ. والمسدس مالتك.
شوف شوف شكد دااارجف. دااتشوف.انت ماتحس.

دفعت وكمت.... ماااسامحك.

بتسم.... يمكن لان أصلع مووو.

باوعت عليه وعقدت حواجبي. سخخخخييييف. خااايفه اني خااايفه. كلبي احسه راح يوكف.

آصف... يطلع يطلع شعري.لاتخافين.

ضربته راشدي. لاتحجي ببرود. اني خفت عليك وانت هيج تسوي بيهه. وتحجي عن الصلعتك. الصلع شعلي.

لزم خده الي ضربته بي. يباوع عليه. احبج. الريوك جاهز.

..... منين جبت هالمسدس هذا.

آصف.... مال ياسين مو عبالك حقيقي عليج الله.لا وصوته عبالك صدك طلقه.خرب بيومه.

...... والله اله اكفخ شمايل. شلون تشتري هيج لعبه لاابنها.

آصف.... منو يكول شمايل. يمكن اخوج الكواـــــــ.

.... لاتحجي عليه. مااسمحلك.

آصف... خلي نرجع مثل حياتتنه قبل طبيعيه. وحلوه. اني رايدج والله. اذا ترييدين والله واقسم بالله اطلبج من مهند من جديد. واسويلج مهر واسويلج حنه وعرس. لان نحرمتي منهن. اسويلك شهر عسل مو شهر اسويلج شهرين او ٣ شكد ماتردين. شنو ترييدن انتي اسويلج. بس خلي نرجع وشوفي آصف الجديد. اسفرج للمدينه الي تريدها.

..... وهم نجيب طفل. وهم يموت بسببك.

عقد حواجبه..... لاتحمليني مسؤليه موتت زينب. ثقيل هالحمل عليه شااادن. حسي بيه. اني هم بنتي هاااي. مو بس بنتج.