حط الفاليز فالأرض مقابل معاها ...كانت مغايرة على كيف خلاها ..
لابسة كسوة صيفية فوق الركبة ممزيراش عليها .. شعرها الكيرلي مطلوق من لور و مجموع من لقدام ..
بميكاب بين تقاسيم وجهها و جا مع سمورية جسمها ..
الكسوة عاد ما بينتها فاتنة .. واخة زينها قليل و لكن مقبولة جات كتحمق ..
تغير جذري و كبير بان عليها .. حطات طاس د لقهوة ب انوتة و قربت كيتسمع فقط صوت اقدامها تحت تاتير الطالون
أميمة : على سلامتكم (ربعت يديها و شافت فجيستينا) صافا ؟
جيستي كانت غير كتشوف مصدومة لا يعقل تكون هاد الكائنة هي أميمة بحد ذاتها لي كانت فاخر لقاء ليهم ..
هزت عينيها بصدمة عين عندها و عين لحمزة لي مصدوم كتر منها غير مراقبها
أميمة : (عينيها غير عند جيستينا) فين بنتي ؟
جيستينا : بنتك ؟ احم زعما .. بقات لهيه عيانة شوية
أميمة : معليش راها حاضرة معانا بقلبها بنتي و عارفاها (بابتسامة كبيرة) كابرة على يدي كنعرف غير بنظرة فعينيها شنو بغات تقول
كانت كتلاحظ نظرات جيستي المتغيرة و هي كتهضر و قبل ما ترجع جيستي الصرف ديالها تلفتت لعند حمزة
أميمة : شرفتي دارك ا سيادة العميل
قربت لعندو كتر و مدت يديها معنقاه .. حس برجفتها و صوتها و نبرتو الباكية ..
هملها بزاف وهو عارف هادشي .. يمكن عيشها فترة قاسية غير بسبب سوء فهمها و غيرتها الكبيرة ..
بادلها العناق لاوي يديه على خصرها .. حسات بيديه على جسمها بتاسمت و دمعة نازلة على خدها مسحاتها بزربة و رجعت بعدت شادة من ضراوعو بجوج
أميمة : دارك و ناسك توحشوك .. كولشي مزيان اجي ترتاح (شافت فجيستي) مرحبا بيك
كانت جيستي مزيرة على يديها كل مرة كتسوط .. باين من عينيها الغيرة هي مرأة تانية على أميمة بعدما كانت هي لولة فحياتو لازمها تعقل و ترزن
أميمة : (وهوما متوجهين كانت خاشية يديها فضراع حمزة) مبروك بعدا (هبطت راسها شوية و هي ملفتة عندها) سمعت تزوجتو الله يكمل بلخير
عض على شواربو مزال ما عارف كيفاش كانت ردة فعلها ملي عرفت
حمزة : ايمتى عرفتي
اميمة : لي عندو حماة (عدوزة) بحال خالتي نجية مغاديش يعرف (وقفت مربعة يديها قدامهم) ولا كنتو ناويين تخبيو تا تجيبو لينا شي بيبي (بابتسامة) مكرهناش نيت يالاه نولي انا وياك قدقد و نيت تجيبي لينا شي وليد هه نخاويو يزن ولدي
صدمة تانية تلاتية الأبعاد نزلت عليهم .. صغر عينيه فيها هاد الشوفة بضبط هي عارفاها و عارفة معناها ...
عاشت معاه مدة طويل ...عمر ٢٠ سنة رقم كبير هو بحد ذاتو يخليها تعرف عليه الشادة و الفادة
قاطع سكوتهم و نظراتهم المبهمة تدخل زياد لي جا كيعنقو ...واخة بادل زياد العناق بقاو عينيه مراقبينها وهي كتشوف فيه تا بعدت بخطوات لور و مشات على عينيه
أنت تقرأ
✨️حــــــرب_إلــــيــنا •لعنة أدولف• ✨️ { مكتملة}
Historical Fictionتحت عنوان : #حــــــرب_إلــــيــنا {لعنة أدولف} 🕯تقديم شامل🕯 إذا سقط ستاره و خيَّم الظلام 🌚 🔥و أَصابتكِ لعنته ، فآحذري ⚠️ فلعنة أدولف لا تساوي جحيم الدنيا فقط جحيمه لا مهرب لكِ منه سوى الموت لن تستطيعي مواجهته لعنته لي وحدي كما الحرب لي أنا حر...
