حدرت راسها غير دخلو لغرفة من غرف الوتيل .. جلست فوق الكنابي الأول لي بان ليها و شدت يديها قدامها مرة مرة تشوف فيهغادي جاي دماغو خدام كيفكر وقف مدة طويلة و تلفت كيشوف فيها لقاها كتشوف فيه و دموع فعينيها ..
جلس قفازي قدامها حاير راقباتو بخشوع كتفكر فكلامو وهوما جايين فالطريق ... واش هنا غتنتاهي علاقتها مع ريو؟
ريو : نقطع ليك غدا ؟
هيلين : (حدرت راسها و عضت على شنافتها) خليني معاك ا ريو بلييز
ريو : (هبط راسو حاس بقلبو غيسكت) هيلين متصعبيهاش
هيلين : (شدت فيديها حاسة براسها عزيزة عليه .. حاسة بيه كيخاف عليها و يهتم بيها ..احساسها قوي هاد المرة على غير شنو حست به مع أدولف) ريو غير خليني معاك كنواعدك مغندير والو مغنبززش عليك راسي.. ما غندير ليك تا مشكل فحياتك ... ديني الجزيرة لي كانت فيها ختي عاوني كيف عاونتيها
مسح دمعة خانتو و نزلت على عينيه ..بسرعة مسحها و هز عينيه كيشوف فيها حاير
" ولاص : كتبغيها؟ "
حقق الشوفة فملامح وجهها .. ملي عاشرها و عرف طبيعتها قدر يلمح الجانب الزوين لي فيها..
هيلين إنسانة رقيقة و حساسة من الداخل يمكن كتآذي الناس ولكن هي اكتر وحدة كتآذى ..
فراغ أب كان طول عمرو كيفكر فبنتو ليتيمة خلا فقلبها عزلة و غيرة من ختها
" أدولف : ولدو من كرشك و خودو "
رمش عينيه مزال جملة أدولف كتنهش فيه لداخل .. ولد إلينا واخة منعرف شنو يديرو ليه صعيب عليه يتفرق عليه ..
تولد على يديه ..
هو أول شخص مدو ل إلينا غير تزاد .. عقل عليه ملي يالاه حل عينيه .. حس براسو مسؤول عليه و بالأحرى الولد حسسو بمشاعر أبوة.. سول نفسو واش فعلا تقدر تبعد على ولد إلينا ؟
سرط ريقو و حط يديه على يديها ضاغط عليها .. رمشت عينيها و شافت فيديهم لي فوق ركبتها
.. كانو بجوج فحالة يرتى لها .. بجوج دمعتهم طايحة على الخد كل واحد و إحساسو
ريو : هيلين (سرط ريقو و قرب كتر) أنا محتاج ولد
هيلين : (باستغراب) ولد ! مفهمتش؟
ريو : (زير على شنايفو ببكاء) مقادرش نتفرق على ولد إلينا يمكن لا ولدت كيف قال أدولف نحس كتر ما حسيت مع ولد إلينا
هيلين : (حركت راسها مؤيدة لفكرتو)
ريو : تقدري تجيبي ليا ولد ؟
هيلين : (حلت فمها بصدمة من شنو كيقول و بتسائل قربت ليه) انا زعما نولد ليك ولد ؟
ريو : (حرك راسو بالإيجاب)
هيلين : ولكن (حست بالانجداب لي بيناتهم) منقدروش
ريو : علاش ؟
أنت تقرأ
✨️حــــــرب_إلــــيــنا •لعنة أدولف• ✨️ { مكتملة}
Historical Fictionتحت عنوان : #حــــــرب_إلــــيــنا {لعنة أدولف} 🕯تقديم شامل🕯 إذا سقط ستاره و خيَّم الظلام 🌚 🔥و أَصابتكِ لعنته ، فآحذري ⚠️ فلعنة أدولف لا تساوي جحيم الدنيا فقط جحيمه لا مهرب لكِ منه سوى الموت لن تستطيعي مواجهته لعنته لي وحدي كما الحرب لي أنا حر...
