"عندما جئتِني ، القدر لم يسنح لي ببعض التفكير ! لم يسمح لنا بالاقتراب أكتر ! لم يمهل لمسامحتكِ
فوجدتُني واقع بكِ دون إستِعاب لعواقب ذلك.."
فصل جديد بعنوان : لم تكن لي .... كنت لغيري 💔
حطت الأطباق فوق الكنطوار و حطت عليه راسها حاسة بلعيا و عضامها كاع ضارينها
ريو : عييتي
إلينا : بزااف حاسة بسخفة
ريو : اجي (شد فيديها و جرها لكورسي) جلسي هاني جاي
تقدم لكوزينة دقيقة و خرج لقا لعرق هابط مع وجهها حاطة يد على كرشها
ريو : باش كتحسي
إلينا : (بزز نطقت) لوجع تاني
ريو : (بابتسامة حط يديه على خدها) حبيب ماماه بغا يخرج شحال قدك زامطاه فهاد الكرش ههه
إلينا : ريو مكنضحكش (هزت وجهها لفوق كتسوط و دموع تجمعو فعينيها ) كنحس بلوجع غادي و كيتزاد
ريو : هاكي شربي و تهدني
بزز باش شربات ليه داك الكاس .. رجع حطو و جلس قدامها قفازي .. ايديها مشابكة مع يديه كتزير عليه بمجرد ما كتحس بلوجع تزاد
ريو : اجي نخرجو بدلي الجو .. الطبيبة لي هنا قالت بلي هاد الأعراض غيبقاو يجيوك تا تولدي عادي هادشي اجي
شد منها بشوية بشوية خرجات كتجر فرجليها بزز عاضة على شنافتها صابرة الألم لي غادي و كيتجهد تا مبقات قادرة تصبر و وقفت ليه حاسة بدوخة
إلينا : صافي مبقيتش قادرة
ريو : غير زيدي (كيدوي باغي يتلفها) اودي كن غير بغيتي تخدمي فالمطعم ديال مك كانت غادي دير لاباس صوتك واعر منعرف علاش كنتي خازناه ( شافها تقلت المشية) وا زيدي
إلينا : (غوتت كننخصص) قلت ليك مبقيتش قادرة نزييد هادشي كيضرني بزااف علاش مبغيتيش تفهم
تزاد صوت بكاها و غواتها .. حدر عينيه كيشوف فلما نازل مع رجليها .. هز عينيه لعندها كانت شادة فيه من كل يد مغمضة عينيها و مزيرة بسنانها على قنوفتها
ريو : إلينا ...اجي جلسي
بصعوبة جلسها فوق الرملة قدام البحر قنوفتها سايلة بدم و كلها كتقطر
إلينا : (غوتت) ريووو شي حاجة غتخرج ليا من لتحت.. شي حاجة كنحس بيها
ريو : تهدني سماااانتااااا (كيغوت ربي لي خلقو) سماااااانتاا
سمانتا : (جات كتجري) مال(غوتت ضاربة فخاضها) اويليي كتولد
ريو :شوفي أليس يعيط على الطبيبة دبا
زيرت بيديها على الرملة كلها من راسها لرجليها كتقطر رجليها مفركين
ريو : تهدني خودي نفس طويل
إلينا : ريو مغنقدرش نولدو ...منقدرش
ريو : لااا ويااك .. وياااك تعاودي تقولي هاد الكلمة .. تحملتي شحااال من حاجة على ودو .. متنسايش نتي باغة تشوفي وجهو و توريه لهيلين
إلينا : اوووووف (كتسوط) مقادراش نتنفس
ريو : هانتي (حط يديه على وجهها) شهيق زفير تعقلي ملي درناها انا ونتي (حركت راسها بزربة) يالاه
أنت تقرأ
✨️حــــــرب_إلــــيــنا •لعنة أدولف• ✨️ { مكتملة}
Ficción históricaتحت عنوان : #حــــــرب_إلــــيــنا {لعنة أدولف} 🕯تقديم شامل🕯 إذا سقط ستاره و خيَّم الظلام 🌚 🔥و أَصابتكِ لعنته ، فآحذري ⚠️ فلعنة أدولف لا تساوي جحيم الدنيا فقط جحيمه لا مهرب لكِ منه سوى الموت لن تستطيعي مواجهته لعنته لي وحدي كما الحرب لي أنا حر...
