✨️حــــــرب_إلــــيــنا •لعنة أدولف• ✨️ { مكتملة}

34

العرس بصفة عامة هو تحضير و قوام .. سهير و توجاد ..
أسبوع معرافتش فيه جيستينا و أميمة الراحة .. كل مرة غادين لقنت .. القاعة و التريتور و حتى النكافة أمنو عليهم هوما الأولين و بداو فتحضير بطاقة الدعوة للعرس بحضور الراس الكبير ديال العائلة ولي هي نجية

تكلف مراد و لقمان كراو طموبيلات زوقوهم بالورد قبل ليلة العرس .. و نهار العرس فصباح قصدو دار العرسان
اما حمزة ف كان فالدار هو و زياد ..

كان الكل حاضر .. سيلين(زوجة زياد)، سماح(زوجة مراد)،ايمان(عمة إلينا و هيلين)،ضحى(مرات لقمان)، سمانتا(صديقة جيستينا) و ام جيستينا المقعدة ف كرسي متحرك و قليلة الكلام

كانت جيستينا و أميمة فلكوزينة كل وحدة منهم لابسة قفطان سامبل ديال الدار كيوجدو فاللمسات الأخيرة

حمزة : البنات واجدين ؟
جيستينا : فيقتهم قبيلة كيلبسو
أميمة : جا الوقت لي توقف فيه مع بناتك د بصح .. نشوفوك شنو غدير هاد المرة ا سيادة العميل
جيستينا : (شافت فيها و تلفتت فحمزة) مبغيتش الينا ولا هيلين يسمعو شي كلمة .. وخصوصا هاد النهار ا حمزة عفاك
حمزة : كتحسوني كأني اب ممزيانش
أميمة : " ف ذكر إنما الذكرى تنفع المومنين "

طلعتو و نزلتو و خرجت مخلياه واقف .. تنهد و شاف فجيستينا من نهار دوات ليه على حس الطلاق ما بقاو دواو تا انهم ما رفعوش دعوة ولا قصدو محامي ..

تراجع و قصد باب البيت دق دقات خفاف و رجع بخطوة لور كيتسنا تا خرجو كل وحدة فيهم لابسة جلابة

إلينا : طلقينا ا هيلين
هيلين : (خرجت كتلبس ف شربيلها) واه نطيرو(شافت فاوكتافيا) وتاتك الجلابة ابنت الهم
حمزة : (بتاسم تا دمعو عينيه) واجدين
أميمة : (طلت عليهم كتقرا فالقرآن فخاطرها) الله يتمم كولشي بالخير ياربي
هيلين : واجدين واجدين ههه

تصرفو تابعينو وراهم جيستينا و أميمة .. فلوطو جلسو اللور و تحرك حمزة سايق الطموبيل هاد المرة تا لصالون كبير وسط المعاريف واخدينو برونديفو ..

فطموبيل تانية كان زياد كيسوق و مرتو حداه غادي بيهم تاهوما لصالون تاني .. كل وحدة باغة تبرز جمالها فليلة كبيرة فالعمر

كل وحدة شداتها كوافورة و مساعداتها ... كانو ضابطين الوقت تلاتة ساعات بالضبط كافية باش يحضروهم

إلينا و اوكتافيا بمكياج فاتح و هيلين بميكاب ترابي نظرا لسموريتها و اختيارها لهاد المكياج

الكوافورة : مشاء الله
جيستينا : (مدت يديها كتمسح دموعها بتأتير كبير لجمال بنتها)
أميمة : (عنقنها كضحك رغم الدموع لي فعينيها) متبكيش غتخصري كولشي .. خبي دموعك غتحتاجيهم فليل وهي غادة فطيارة
جيستينا : ياختي كنحس براسي غنتغرب بلا بنتي
أميمة : و انا فين خليتني لا معجبكش الحال راسك جلسي معايا فالدار تا يكبر حاتم شوية وراه تخدمي
جيستينا : لهلا يخطيك أختي أميمة(مدت يديها معنقاها كتبكي) مقادراش على فراق بنتي
أميمة : (نزلو دموعها دغيا) تا حد ما يكره فراق الكبدة ( هزت عينيها تا لمحت لكوافورة داخلة مع باب الصالون) جا لوقت يلبسو
جيستينا : يالاه نوجدوهم بسم الله