تحرك ريو مخلي هيلين هزات راسها بعدما كانت فصدرو .. تلفتت فين كيشوف و بزربة شدات فيدو بعدما كان غادي
هيلين : ريوووو
بعدها ريو بلا ما يدوي و تحرك الخطوة فيها جوج خطوات تا قرب لحدا اوكتافيا و ايميلي حاضياه و حاضية ادولف لي جاي مع الطريق
إيميلي : (من بعيد كتنطق بصوت عالي )أدولف لاش جاي
ريو : مزيان ملي جيتي
ادولف : نفس الفكرة .. شحال و انا باغي نشوفك
دوز ريو لسانو على فمو عاض على خدو من لداخل و غفل أدولف بكروشي لفم مخليه راجع لووور
اوكتافيا : ادووولف
تحرك ولاص كيجري عوض يجر ريو جر أدولف عرفو شارب و ماشي فصالحو يضارب هاد اللحضة بالذات ..
ولكن رأي ريو كان شيء تاني .. بسرعة قرب لادوف من جديد و هزو خابطو على الحيط و نزل عليه بكروشي ..
دفع ولاص ريو بنتير و وقف بينو و بين ريو
هيلين : ريو براكة عفاااك
شافت فادولف لي جالس فالأرض كيشوف فيه و على وجهو ابتسامة ساخرة ..
قدرات تحلل بينها و بين راسها و تجمع شنو فهمت .. أي حاجة كانت غافلة عليها فهماتها فتواني قليلة و هادشي خلا نفسيتها تحت الصفر ..
كن غير عذبها بحال إلينا ولا يدخلها بجانب الحب لي كان عندها منو خصاص و يلعب بيها هو و عائلتو كيف بغاو
ريو : (بصوت قوي غاضب قال) غتندم .. كنقسم لييك غندمك لااا مقتلتكش رانيي ماشي ريووو
ولاص : (كيشوف فالارض مباغيش يضارب معاه ولا يقول شي كلمة وسط لكلينيك) ماشي وقت الهضرة دبا
هيلين : (زيرت على يد ريو غتموت بلبكا) عفاااك يالاه نمشيو فحااالنا عفاااك غنموتت
على إثر كلامها تلفت شاف فيها أما كان غيخلط تا ولاص الحقد و الكره غيخرج من عينيه ..
شد فضراعها و حط راسها فصدرو كي كانو قبل و زيرها فحضنو و رجع تا لفين كانو واقفين قبل ما يدخل أدولف ..
هز عينيه شاف فداورو لي باقي كيف شافتو إيميلي داير يديه قدامو مربعهم و غير مراقبهم ما دوا ما تكلم ما حرك ساكن
مسحات وجهها ب ايديها و زادت خشات راسها فصدر ريو هاد الأخير لي ايديه معنقينها و عينيه عند أدولف ..
حمدات الله داخلها لي غير وقفو فالكلينيك بان قدامها .. و غير من خلال شوفاتو و أسئلتو على أدولف واش جا لحفلة ولالا
قدر عقلها يربط الأفكار لي كان غافل عليهم و لي كانت مكتشوفهمش بكترة ما كانت غارقة فحبو و كتسنا فيه يحن و يبغيها كيف بغاتو
مسح أدولف الدم لي نزل من فمو و نيفو على الجهد و جبد كلينيكس من جيبو دفل فيه الدم و جمع حجبانو مخسر سيفتو
إيميلي : مالك مهرس مقدرتيش تا نتا تمد يديك عليه
اوكتافيا : اي حاجة داروها ليهم الحق عذبتو السيدة و مزال كدويو
ولاص : أدولف نوض نرجعو لدار
أدولف : (بهدوء نطق) شنو قال الطبيب ؟
ولاص : باقي مخرجش من عندها
أدولف :(شاف فداورو لي حاضيهم) دويتو
ولاص : (عرفو علامن داوي) مشفتش جيهتو كاع د
أدولف : (ضحك باستهزاء و ناض جامع الوقفة) عرف كيفاش يلعبها
ايميلي : (نطقات كطنز عليه) غير كن هاني من هنا لقدام غتولي تشوفها صباح و عشية و هادذي نيت لي نتا باغي خاصك تشكرو قربها ليك
أدولف : شكون هادي علامن داوية نتي
ولاص : (فضل يدوي هو حسن ما تقول شي كلمة) إلينا على ما فهمت خدمات مع داورو و غتكون هي المنسقة بين شركاتنا بجوج
أدولف :(رجع بخطوة لور مصدوم علآخر) كضحك ياك (تنهد ولاص و هز حواجبو و رجع نزلهم بمعنى هدا هو الواقع) كيفاش منسقة همم (كيدوي مرة يرجع لقدام و يقرب لولاص و يشرح ليه بيديه مفقوص مرة يرجع لور و يحقق شوفة فداورو) كيفاش تا تقرب ليها لهاد الدرجة بعدا
ولاص : متسولينيش معارف والو
أنت تقرأ
✨️حــــــرب_إلــــيــنا •لعنة أدولف• ✨️ { مكتملة}
Historical Fictionتحت عنوان : #حــــــرب_إلــــيــنا {لعنة أدولف} 🕯تقديم شامل🕯 إذا سقط ستاره و خيَّم الظلام 🌚 🔥و أَصابتكِ لعنته ، فآحذري ⚠️ فلعنة أدولف لا تساوي جحيم الدنيا فقط جحيمه لا مهرب لكِ منه سوى الموت لن تستطيعي مواجهته لعنته لي وحدي كما الحرب لي أنا حر...
