صباح الحال على جيستينا فالمطار حداها حمزة .. باس راسها و قبل يديها كيشوف فيها مرخية و ماشي على برجها
حمزة : عيانة
جيستينا :شوية كنحس بدوخة و معدتي مروعة عليا
حمزة : (حط يدو على كرشها) شنو ناوية تجيبي ليا شي بيبي جديد
جيستينا : (شافت فعينيه) زعما لا قدرت نحمل غتبغي
حمزة : علاش مغتحمليش .. ياك باقة كتجيك الدورة ؟
جيستينا : باقة بانتظام مي غير قلت
حمزة : ملي تمشي ديري تحاليل نشوفو
جيستينا : ههه واخة
قربت ليه و بالخف خطفت بوسة فشفايفو مخلياه مبتاسم و كيضور فعينيه نص عباد الله شافوهم مي مع هي مقشوعة أجنبية محكروش على الموضوع و تلفتو لشغلهم
حمزة : نص فلمطار شافنا
جيستينا : (كتلعب بصدفة قامجتو) مابقا حد يلعب مع راجلو
حمزة : لا الالة لعبي (تفوه) الله فيا لموت دنعاس
جيستينا : عطي الراحة لراسك
حمزة : واخة بوسي ليا إلينا متسميش لبيبي تا نشوفو
جيستينا : واخة اسيدي باش نبقاو نعيطو ليه
حمزة : بسميتي 😂
جيستينا : (باستو فخدو بعدما سمعت نداء المسافرين) هاني غادة (تعلات تا باست راسو)كنبغيك
بتاسم فوجهها و خداها فحضنو كتعجبو تصرفاتها الطفولية و كيفاش كتكبر بيه و دير ليها قيمة
حمزة : ردي لبال لراسك
جيتسنا : (لوات قنانفها)اوك
حمزة : اجي(جرها لعندو عرفها تقلقت من جديد)وا اجي نقول ليك
جيستينا :صافي غي بعد مني
حمزة : وا تا انا كنبغيك غا باغي نشد فيك
جيستينا : همم باينة
حمزة : وا يهديك الله (باس يديها) يالاه ابابا سيري كنت كنقول عندي غا جوج بنيات عوينات زادني الله تا بتالتة
جيستينا : (كتفشش) ايوا لابغيتي(باستو بجهد فحنكو) باش بغيتي نقسم ليك كنبغيك و كنحماق عليك
حمزة : جيستي سيري ولا غندير بناقص و غنرجعك لدار
جيستينا : ههه اوك باي
سيفطات ليه قبلة فالهوا و هي غادة تا وصلت لمفترق الطرق شيرات عليه بيديها و تاهو عاد غبرات على عينيه
تنهد خلات فراغ كبير غير هادي يمكن تانية باش غبرت على عينيه ولفها و رجع داك الحب ليها لي كان شحال هدا ..
غير بكلامها و صوابها دارت بلاصتها من جديد
تفكر صباح ملي لبست و جاي موصلها كيفاش وصاتو يدوز عند ماماه هي لولة تا سلمات عليها و مدات ليها لكادو لي جابت ليها من الجزيرة
باشياء قليلة .. بتصرفاتها العفوية النابعة من قلبها بلا ما تملق كدخل بين اللحم و العضم
رجع ادراجو لدار لقا هيلين لابسة و جالسة فطابلة كتفطر حداها أميمة .. شافتو دارت ليه بلاصة و بدات كتسول واش مشات جيستي
جوبها و هز بنتو وصلها لصبيطار لعند أدولف عاد قصد خدمتو لي ملي خلاها هادي سبع شهور فكونجي مفتوح ما بقا رجع ليها
ليلتين دازو كانت باقة على حالتها الشيء الجديد لي أضيف هوما حويجها لمتغيرين ..
شعرها باقي على حالو و عينيها حمرين تحت منهم زرق شوية بالإرهاق و قلة نعاس طول هاد تلاتة أيام
سينثيا كل مرة تجي تطل و تشوف أدولف لي تاهو كان باقي فلكلينيك خاصو راحة خصوصا من راسو
أنت تقرأ
✨️حــــــرب_إلــــيــنا •لعنة أدولف• ✨️ { مكتملة}
Historical Fictionتحت عنوان : #حــــــرب_إلــــيــنا {لعنة أدولف} 🕯تقديم شامل🕯 إذا سقط ستاره و خيَّم الظلام 🌚 🔥و أَصابتكِ لعنته ، فآحذري ⚠️ فلعنة أدولف لا تساوي جحيم الدنيا فقط جحيمه لا مهرب لكِ منه سوى الموت لن تستطيعي مواجهته لعنته لي وحدي كما الحرب لي أنا حر...
