للمرة التانية كيعاود الموضف لي فالاستقبال التواصل مع دار إلينا بدون رد
حطت يديها على ضراعها بتوتر كبير كل مرة طلع نضاظرها لعينيها و تلعب بلسانها على شفايفها تا شافت من بعيد إلينا هابطة عندها ببيجامة نعاس و شعرها مفروق من الوسط
إلينا : شي خطة جديدة(ربعت يديها) اينا اختبار ناوية ديري ليوم
اوكتافيا : نقدرو ندويو شوية
إلينا : (مدت يديها بمعنى تفضلي .. جلسو بجوج فالفوتايات لي فالاستقبال) كنسمع
اوكتافيا : (بللت فمها) إلينا .. بغيتك تسمعيني تا الأخير .. واخة يعني انا عارفة معنديش الحق ندوي ونتي ماشي مجبرة تسمعيني(مسحت دمعة تولاوها دموع كتيرة) انا جيت ليوم على قبل خويا .. عاارفة شنو خلاك تعيشي
إلينا : (قاطعتها) نتي عارفة و انا عارفة إذن بلا ما نجبدو هاد سيرة .. من الأحسن تمشي ا اوكتافيا
اوكتافياا : إلينا عفاك سمحي لخويا
إلينا : اوكتافيا لا كنتي جيتي على قبل هادشي بليز سيري
اوكتافيا : طلبي منو لي بغيتي غادي يحققو ليك هو تحت أمرك
إلينا : واش عرفتي انا شنو باغة (تبعت معاها اوكتافيا بتركيز) بغيت خوك ينساني أنا وولدو من حياتو كيف انا كرهتو و تمنيت يموت و منرجعش نشوفو
اوكتافيا : (ببكاء مرير) هو غينسا أصلا بلا ما تحتاجي طلبي (شدت فيديها برجاء) إلينا عفاك خلي خويا يشوف ولدو الله يخليك
.. هو غادي ينسا أساسا طبيب قال هادشي .. هو رجع كينسا الناس لي قراب ليه ..
نسا على عمرو و على تيليفونو و حتى على علاقتو بولاص الشخص لقريب ليه فينا كاملين بلييز ..
انا خايفة خويا غينساني تا أنا هو مخايفش بحالي ولكن خايف ينسا ولدو خايف ينساك نتي ..
خايف لا يفقدكم و تمشيو فذاكرتو .. بليييز ... بليييز إلينا بلييز
شافت فيديها لي وسط يدين اوكتافيا و رجعت طلعت عينيها لدموع هاد الأخيرة لي كينزلو كيف الشتا ..
حققت الشوفة و دماغها ممعاهاش كيعاود يربط شنو قالت مع حالتو فصبيطار ملي غيب
إلينا : كيفاش (بصعوبة نطقت و علامة الصدمة و الخوف تمزجو فوجهها) نتي شنو كتقولي ! كيفاش غينسا
اوكتافيا : خويا بدا كينسا .. الطبيب عطاه الدوا .. كان عندو مشكل فالنعاس لمرة لولة .. قلنا عادي يقدر يرجع بالدوا .. سهير د لخدمة و تيلي .. الشراب و لادروك .. شحال من عامل خلاه يفقد نعاس شوية بشوية .. تا جا داك النهار لي دار فيه حادتة و تضرب فراسو ..
الطبيب قال بلي هو بخير و بلي هادشي مأترش أبدا على الدماغ ولكن من بعد .. كلما هو غادي و كيعيش كلما حالتو كتسوء
من بعد التشخيص الطبيب عطاه الدوا مكانش كيشربو بشكل يومي ..
فاخر زيارة لطبيب قال ليه بلي لا بقا هاكة الذاكرة غتبدا ضعاف ليه شوية بشوية غيولي يتخايل ناس عمرو شافهم او جمعتو معاهم لقطة ولا فترة ..
أنت تقرأ
✨️حــــــرب_إلــــيــنا •لعنة أدولف• ✨️ { مكتملة}
Historical Fictionتحت عنوان : #حــــــرب_إلــــيــنا {لعنة أدولف} 🕯تقديم شامل🕯 إذا سقط ستاره و خيَّم الظلام 🌚 🔥و أَصابتكِ لعنته ، فآحذري ⚠️ فلعنة أدولف لا تساوي جحيم الدنيا فقط جحيمه لا مهرب لكِ منه سوى الموت لن تستطيعي مواجهته لعنته لي وحدي كما الحرب لي أنا حر...
