✨️حــــــرب_إلــــيــنا •لعنة أدولف• ✨️ { مكتملة}

الفصل ٥ : لاَ_غِـــنَـــى_عـــنـكِ

‏"ممزق أنا وتائه بين جمالك و قبحي ، لطافتك و قسوتي ، تائه لحد الجنون و #خائف_أن_تغادريني ف #لا_غنى_عنكِ ! ".
فصل أخير تحت عنوان : #لا_غنى_عنكِ❤️

●●●●

مع السبعة د الصباح كانو جميع فالمطار .. هيلين لابسة سروال جينز و بودي بيض ..

شعرها كيرلي طالقاه وراها و فارقاه من لوسط بميكاب ترابي .. و ريو جنبها بمونطو و سروال مع كاط .. و فاليز جامعة حوايجهم المهمين فقط

مدت ليه قرعة دلما بخوف .. رجعت كتحسب معاه ليالي لي مكينعسهمش ..

شد فراسو و تنهد كيشرب من لقرعة لابس فقط بودي نص كم الوشامات باينين من ضراوعو و يديه

شافت ف ريو لي غمض عينيه و حلهم بابتسامة كأنو كيصبرها .. رجعت شعرها لور و جلست قفازي جنبو

إلينا : واش بخير

أدولف : بخير بخير متخافيش

إلينا : أدولف لبارح منعستيش بصفة نهائية

أدولف : مقدرتش ننعس و صافي (شد فيديها) إلينا أنا بخير

هيلين : لبسي مونطوك ا إلينا

شدت المونطو لابساه فوق الكسوة لي لابسة و الميكاب لي جا مع تفاصيل وجهها بنظرات شمسية فوق راسها و كاس دلعصير بين يديها

ريو : (شاف ف أدولف) مالك ما محتاجش ل إلينا فقط .. شوف وضعك هو الأول

إلينا : بصح

ريو : هدا راه الموت البطيء بعينيه

شد فيد هيلين لي شادة مالك بين يديها .. تبعاتهم ب عينيها و شدت فيديه .. مسح وجهو و باس راسها

أدولف : باقي غنعيش تا نربي ولدي معاك متخافيش

إلينا : (هزت راسها لعندو تا لمح دموعها)

أدولف : إلينا(وقف شد من خدودها) بلييز

إلينا : تا انا محتاجاك ماشي غير مالك .. انا كنبغيك و مباغاش نبقا وراك

أدولف : (بتاسم و ضمها لصدرو)صافي كنواعدك .. غير نلقاو حل مع باباك غادي نشوف مع صاحبك(شاف فريو) يعني واخة مكنتحاملوش مي نجربو

إلينا : ريو ضريف بزاف غادي تفاهم معاه

أدولف : أوك

وقفو جنب بعض كيتسناو نداء الطيارة .. هيلين كل مرة تلعب مع مالك و ريو حاضيها مبتاسم كلما شاف تعلقها بالولاد كيتشها ولد ولا بنت منها

حلت باب الدار لابسة بيجامة بيتية شعرها لكيرلي جامعاه لفوق و بلا ماكياج .. رمشت ببرود وهي كتشوفو لابس سروال اسود جينز مع بودي بيص و كوير كيف ديما انيق

أميمة : حمزة (حلت باب الدار) دخل

يزن : شكون جا اماما

وقف فباب الكوزينة كيشوف ف حمزة ..دخل هاد الأخير تا لصالون لي فباب الدار .. جلس فأول سداري و شد يديه قدامو