عشق اولاد الراشد 2 ( الجزء الثاني )

الفصل الاول

حبايبي الي طلبو مني الروايه الجزء التاني و انا اخرت في تنزيلها انا اسفه اوي كان عندي شويه ظروف في البيت و اسفه جدا لخلود القمر 😘😘عشان بعتتلي كتير عشانها

نبدأ بقا

الي مقرأش الجزء الاول يرجع يقرأو علشان يفهم احداث الجزء التاني
_____________________________

يعلم الله ما هو الشيء الأفضل لك، ويعلم أيضاً الوقت المناسب لإعطائك الشيء الأفضل.🖤

Allah knows what is the best for you and when it’s best for you to have it.🖤
‏_________________
‏
‏بيعدي سنه علي احداث الجزء الاول .
سمر بتكون خلفت و لدين توأم و سموهم جاسم و مراد ، بتبقا الحياه مستقره بين سمر و جاد، و فريد و شروق بيتعلقو اكتر ببعض بس تأخر حمل شروق مخليها مدايقه علي الرغم ان فريد ما بيفتحش معاها كلام في الموضوع ده ابدا، منار سافرت عند خالتها في امريكا عشان بقت حاسه ان بقا صعب تعيش في الوضع ده قريب من مراد، مراد بقا شخص بارد قاسي لحد بعيد محدش عارف يتعامل معاه من يوم سفر منار و هو اتحول لشخص مختلف عن مراد الطيب مابيرجعش لطبيعته غير مع عيال اخوه، ريناد لسه علي علاقه بأسامه في السر، فيروز بتخلص تالته ثانوي و بتدخل نفس الكليه الي بيدرس فيها حازم.

في يوم بيتجمعو علي الفطار في جو اُسري جميل، حياتهم بتبقا هاديه بينزل جاد و سمر و كل واحد فيهم شايل واحد من عيالو، مراد الصغير بيفتح دراعو لمراد، هو كان متعلق بيه اكتر من جاسم:

- حبيب عمو القمر وحشتني من امبارح باليل.

ابتسمت سمر علي ابنها الي متعلق بمراد:

- ده انا يا مراد هبتدي اغير علي ابني منك، من ساعه ما بتشيلو ما بيرضاش يجيلي ولا يروح لحد.

مراد و هو بيلاعب مراد الصغير بشكل مضحك:

-حبيب عمو مراد انتا صح، عسل يا ناس، تكبر شويه بس و انا هاخدك معايا في كل حته.

شروق بصتلهم بغيظ :

-يعني اشمعنا يعني تسمو واحد علي اسم مراد مسمتهوش علي اسم جوزي ليه.

سمر قعدت تضحك:

-مع احترامي لمراد طبعا بس احنا مش مسمينو على اسم مراد، اول حرفين من اسم جاد علي اول حرفين من اسمي ده اسم جاسم، واخر حرفين من اسمي علي اخر حرفين من اسم جاد طلعو بالصدفه مراد يعني مش عشان مراد.

مراد اتكلم و هو بيبوس مراد من خدو جامد:

-بتضحك عليكي يا شروق اكيد قاصدين بس مش عاوزين يقولو عشان فريد ما يزعلش.

فريد كرمش وشه :

-انا ازعل، ليه اصلا، ده الحمد لله انهم ماسماش علي اسمي، عيال سمر و جاد هيطلعو ايه غير مجانين صغيرين، شفتو الحظ يعني اكبر احفاد الراشد يبقو عيال اصغر عيال الراشد.