عشق اولاد الراشد 2 ( الجزء الثاني )

الفصل التاسع

الفصل عشان خاطر القمرات @Shrouk719
و
@KhloudAdil

____________________________

Life ends when you stop
dreaming
Hope ends when you stop believing
and Love ends when you stop caring , So dream , hope and love .
Make life beautiful.

الحياة تنتهي عندما يتوقف الحلم
الأمل ينتهي عندما يتوقف الإيمان
والحب ينتهي عندما يتوقف الإهتمام
لذلك احلم ، أمل ، وأحب
اجعل الحياة جميلة.

_______✨✨✨✨________

في المكتب كان مراد بإنتظار فيروز، بعد شويه بتجي، وبتقعد وهي متوتره من نظرات مراد ليه، بتبلع ريقها بصعوبه وبتتكلم:

- مراد قبل ما تقول اي حاجه عن موضوع الجواز، انا مش بفكر في الموضوع ده دلوقتي.

مراد ببرود وهو بيضرب بقلمه على سطح المكتب، فيروز اتوترت من الحركه دي:

-بس انا مش عاوزك عشان الموضوع ده، انا كده كده رفضت العريس.

بصله فيروز بتوتر مخلوط بالتوتر:

- بس قولتلي انك عاوزني في الموضوع ده...!!

مراد بص في عنيها مباشرةً:

- بس انا قولت كده عشان ادايقه هو...

فيروز فتحت عنيها جامد، وقلبها بيدق جامد، خايفه يكون مراد عرف ان حازم كان بيكلمها، اتكلمت بتوتر شديد:

- هو..!! قصدك ايه..؟..هو مين ....؟!

مراد ببرود شديد:

- ابن الدالي يا فيروز الي كان بيكلمك لما دخلت عليكي من شويه، والي انتي قولتيلي انه هو صاحبتك لانا.

فيروز قامت وقفت بفزع، مراد شاولها:

- اقعدي يا فيروز انا مخلصتش كلامي.

اتكلمت فيروز بسرعه وخوف:

- والله يا يا مراد هو الي اتصل بيا انا اصلا مش بتكلم معاه وهو جاب الرقم من لانا، والله صدقني مش بتكلم معاه.

مراد بهدوء:

- بس انا عارف ان هو الي كلمك وعارف كمان ان انتي مابتتكلميش معاه وان دي تاني مره يكلمك فيها بعد المره الي في الجامعه بعد ما سبتك ومشيت يوم ماوصلتك.

فيروز قعدت وهي مصدومه:

- مراد انتا بتراقبني، و بتتجسس عليا...!!

قم مراد و ركع قدامها وحط ايده علي خدها بحنان، لانه بيعاملها اكنها بنته، و من يوم ما عرف ان ليه اخت وهو حاسس مسئوليه كبيره نحيتها:

- انا مش براقبك يا فيروز  انا بخاف عليكي،  ولما خليت واحد يتابع تحركاتك، انا خايف ان حد يأذيك وخصوصا انتي عارفه الناس اعدائنا ومنافسينا في الشغل كتير، ومش بتجسس عليكي بس لما دخلتلك الاوضه انتي اتوترتي جامد وبان عليكي انك بتكدبي ياروز، وانا عشان بخاف عليكي وبعتبرك بنتي مش اختي، بقولك ابعدي عن حازم الدالي يا فيروز، ولو هو بيحبك ساعتها كل شئ هيبقا واضح في النور بس اوعي تدي فرصه لحد يوجعك ويكسرك خليكي قويه.