LIFE’S SHORT. If you don’t look around once in a while you might miss it.💞
الحياة قصيرة ، إن لم تستغلها ضاعت عليك الفرصة.💞
_______________________________
في مكتب فريد كان قاعد ببرود، دخل هشام الدالي بكل وقار، وقف فريد اولا لأحترام السن، و لانه في مكتبه:
- اهلا وسهلا هشام بيه، نورت شركه الراشد.
بصله هاشم بتمعن:
- الشركه منوره بالتايجرز يا فريد بيه ولا ايه.
فريد هو بيشاورله يقعد:
- طبعا، اتفضل يا هشام بيه.
بيقعد هشام، وقصاده فريد، هشام بجديه:
- انا هدخل في الموضوع على طول، لانك اكيد مستغرب زياره اكبر منافسيك ولا ايه.
بصله فريد وهو مبتسم بثقه:
- مش هنكر استغرابي وجودك هنا طبعا، بس بلاش تستقل بولاد الراشد، طبعا ممكن اقدر اعرف هشام بيه الدالي جه هنا ليه بكل سهوله ، بس توقعت انك تجيلي البيت مش هنا .
ضحك هشام ضحكه رجوليه قويه:
- عمري ما استقليت بولاد الراشد، وخصوصا انتا يا فريد، بلاش نتكلم بالألغاز، انا فاهمك وانتا فاهمني، فا انا يشرفني اطلب ايد فيروز اختك لحازم ابني.
- وانت شايف ان ده مكان مناسب للكلام في الامور دي .
هشام بثقه:
- لا طبعا مش مكان مناسب، بس احب اخد رأيك المبدئي في الموضوع قبل اي شئ.
ابتسم فريد بسبب تفكير هشام:
- ايا كان رأيي، فرأي فيروز ليه الاولويه.
هشام بتأكيد:
- طبعا، بس احب اخ رأي ولي امرها، وبعدها هبقا مرحب برأيها سواء بالقبول او بالرفض.
فريد بمماطله:
- خلاص سبني افكر وارد عليك .
بص هاشم لساعته ببرود، وبعدها لفريد:
- معاك خمس دقايق تفكر فيهم براحتك واظن انهم وقت كافي وخصوصا انك تعرف كل حاجه عن هشام الدالي.
بصله فريد بعمق، وهشامم بادله نفس النظره، قام الاتنين مره وحده وحضنو بعض جدا، هشام بمزاح:
- هتعملهم عليا يا ابن سعد الراشد، بتقولي افكر انا لو عاوز اجوز اختك لحازم هدخل بيتكو اخدها.
ضحك فريد جامد وبعد عنه:
- جرا ايه يا عمي هشام، مش قولت ولي امرها، وبعدين طالع استغلالي لعمي بينتهز الفرص.
- اه طبعا، و خدت بالي كمان ان مراد طالع لسعد وخصوصا في الجواز .
فريد بإقتناع :
أنت تقرأ
عشق اولاد الراشد 2 ( الجزء الثاني )
Romanceلا تظل الحياه كما هي فالتغير سنه الحياه، والحياه مواقف و اختبارات، فهنيئاً لمن يجتاز الاختبار بدون خسائر، فما مصير اولاد الراشد...!!، هل سيسطيعوا ان ينجحوا بالأختبار....؟!، هل لديهم القدره علي مواجهة عقبات ومواقف الحياه....؟! هل سيصمد عشق اولاد الرا...
