One day someone is going to hug you so tight
that all of your broken pieces will stick back together.
يوماً ما شخص سوف يعانقك بقوة لذلك كل الأشياء المكسورة لديك سوف تلتصق معا مرة أخرى.
_____________________________
في القصر باليل، بيرجع جاد متأخر بيدخل القصر وهو بيتسحب، بيكون الانوار مطفيه والقصر هادي جدا ومافيش صوت ، بيفكر ان كله نام، لكن فجأه نور القصر كله بينور، بيقف جاد وبيرفع ايده لفوق.
-نورت يا باشا ما لسه بدري.
لف جاد وهو هيموت من الرعب لما عرف صاحب الصوت، سعد كان قاعد حاطت رجل على رجل باصص لجاد، جاد كان على اخره:
-كنت فين لحد دلوقتي ...؟!
جاد بتردد وتوتر شديد:
- انا كنت ااا....كنت..معرفش.
سعد بغضب :
-نعم، بقولك كنت فين....؟!
جاد اتكلم بسرعه:
-كنت سهران مع اصحابي بكره اجازه.
سعد بصله وهو رافع حواجبه:
-بكره الأربع اجازه ازي بقا يا استاذ جاد.
جاد بصله بزهول:
-بجد...!!!..وانا الي كنت مفكر انهارده الخميس.
بصله سعد بتركيز شديد للبسه المبهدل :
-وايه الي عمل في لبسك كده...؟!
جاد بص للتراب الي في لبسه:
-اصل انا وانا داخل اتشنكلت ولبسي اتبهدل زي ما حضرتك شايف.
سعد بعدم اقتناع:
-هعمل نفسي مصدق وان الرخام الي بيلمع او الزرع هو الي بهدل لبسك بالشكل ده، بس قولي دخلت ازاي ومفاتيح الباب نسيتها وطلعت من غيرها...؟!
جاد بكل بساطه وغباء:
- طفشت الباب.
سعد بصله بصدمه:
ط..ايه...!!!
جاد وهو بيشرحله بفخر:
-طفشته يا بابا، فتحته ببنسه،حاجه كده متعرفهاش .
سعد بصله بشر، وقله حيله من ابنه، وتصرفاته المجنونه:
-صحيح هو انا مستغرب ليه، ما احنا مربيين حرامي في البيت بيرجع في انصاص الليالي، وبدل ما يخبط عشان مش معاه مفتاح بيطفش الباب.
جاد بضيق :
الحق عليا مكنتش عاوز ازعجكو و اصحيكو من النوم.
سعد طلع المسدس بتاعه من جيبه، وبص لجاد:
-مكنتش عاوز تزعجنا اه، مش عاوز تزعجنا، ولا مفكر اني مش عارف ان الباشا بيصيع لحد دلوقتي بره .
أنت تقرأ
عشق اولاد الراشد 2 ( الجزء الثاني )
Romansaلا تظل الحياه كما هي فالتغير سنه الحياه، والحياه مواقف و اختبارات، فهنيئاً لمن يجتاز الاختبار بدون خسائر، فما مصير اولاد الراشد...!!، هل سيسطيعوا ان ينجحوا بالأختبار....؟!، هل لديهم القدره علي مواجهة عقبات ومواقف الحياه....؟! هل سيصمد عشق اولاد الرا...
