عشق اولاد الراشد 2 ( الجزء الثاني )

الفصل 14

The adventure of life is to learn
The purpose of life is to grow
The nature of life is to change
The challenge of life is to overcome
The essence of life is to care
The opportunity of life is serve
The secret of life is to dare
The spice of life is to be friend
The beauty of life is to give.✨✨

مغامرة الحياة هي أن تتعلم
هدف الحياة هو أن تنمو
طبيعة الحياة هي أن تتغير
تحدي الحياة هو أن تتغلب
جوهر الحياة هو أن تهتم
فرصة الحياة هي أن تخدم
سر الحياة هو أن تتجرأ
نكهة الحياة هي أن تكون صديق
جمال الحياة هو أن تعطي. ✨✨

_______________________________

في البدايه احب اعرفكم بشخصيه سعد الراشد:( شخص يملك شخصيه قويه جدا، كان محط الانظار للجميع، بسبب تكوينه لإمبراطوريه الراشد وحده بسن صغير، لا يقوي احد على مواجهة قوته، لا يخاف او يهاب احد، لانه وبكل بساطه الجميع يخشاه، تعني له عائلته الكثير، كل شئ لديه ثواب وعقاب، وهذا ينطبق على عائلته، ولحياته قوانين لا يمكن لأحد كسرها، إلا ويعاقب، وسنرى شخصيته تماما واضحه فى القادم)

_______________________________

يوم جديد على الكل، ومختلف بوجود كبير عائله الراشد، بتتجمعت عيلة الراشد على السفره الساعه 7 بالظبط، كان قاعد على رأس السفره سعد الراشد بكل وقار:

- طبعا كل حاجه كانت بتحصل وانا مش موجود، انا مش هعاقب ولا هحاسب عليها، بس يهمني اوي الي هيحصل وانا موجود والكلام للكل، اولا، الاكل بمواعيد ومحبش على اي وجبه من الوجبات حد ميبقاش موجود لأي سبب من الاسباب، احب اعرف كل واحد هيخرج من القصر ده هيبقا فين، ده غير ان ممنوع منعا باتا الخروج بدون حراس والكلام للكل، جاد لو عرف انك بتفكر ترجع للهلس وشغل المراهقين ده تاني هخليك تندم اسد ندم.

ابتسمت سمر بإنتصار، بينما بلع جاد ريقه بصعوبه، كمل سعد كلامه وهو بيبص لمراد:

- مراد محبش اشوف منك موقف مخزي زي الي عملته قبل كده تاني، عشان دي مش تصرفات عيال سعد الراشد.

اتكلم مراد بصعوبه:

- بس انا معماتش حاجه حضرتك انا ....

قطع كلامه بصرامه:

-وانا بقول عملت يا مراد وبلاش اوضح سبب اصرار وليد على انه يجوز بنته بالإجبار.

مراد بلع ريقه ولما فهم من تلميحات سعد انه عارف بالي عمله مع منار، بص لفريد وهو مفكر ان هو الي قاله لانه مافيش حد يعرف غيره، لاحظ سعد نظراته:

- بلاش تبصله كتير لانه مش هو الي كان بينقلي اخبارك، انا ليا عيوني الي بتجبلي ادفق التفصيل عنكم، واكيد مش حد منكم، ده عير ان دوره جاي العاقل الكبير الي ساعدك بتصرف متهور كان ممكن يدمر سمعه عيله الراشد لو خالد اتكلم.

فريد اتكلم بثقه وقوه:

- ولو الزمن رجع تاني انا مستعد اعمل اي حاجه مقابل سعادة اخويا، ولو شايف ان ده حضرتك يستحق العقاب انا جاهز، لانه لو اتكرر المقف تاني بعد دقيقه هتصرف كده، وإلا مستحقش ابقا اخوهم الكبير لو مقدرتش اسعدهم.