عشق اولاد الراشد 2 ( الجزء الثاني )

الفصل السادس

انا طلبت رأيكم في ان اكتب السرد بالعاميه ولا بالغه العربيه الفصحى ومحدش قال رأيه فكتبت الفصل ده بالعربيه الفصحى لحد ما تقررو اكتب ازاي، ايه الي انتو بتفضلوه فى الكتابه.
_____________________________
The most important thing in life is to trust yourself so that others trust you.

.اهم شئ في الحياة ان تثق انت بنفسك حتي يثق بك الاخرون.

_____________________________

صعد جاد الي غرفه فريد، كان الباب مفتوح ، توجه للداخل، ليجد المكان ملطخ بالدماء، وفريد يجلس على الفراش وينظر امامه بشرود، ويظهر على وجهه الالم، اقرب منه بحظر و خوف:

- فريد انتا كويس...؟

لم يجد رد بل ظل صامت دون اي ردة فعل منه، تحدث جاد وهو بضع يده على كتفه:

- يا فريد، رد عليا حصل ايه و ايه الدم ده.

افاق فريد من غفوته، على صوت جاد:

- مافيش حاجه يا جاد انا كويس.

- امال ايه الدم ده لما انتا كويس....

صمت قليلا ليتحدث وهو جاحظ العينين:

- اوعا يكون ده دم شروق...؟!

تحدث فريد بغضب شديد وشر يتطاير من عينيه:

-ما تجبش سيرتها تاني قدامي ولا حد ينطق اسمها تاني فى البيت ده انتا فاهم، انا طردتها من حياتنا خلاص.

جاده بصدمه من مهاجمه فريد له:

- انتا بتقول ايه يا فريد...! ده معناه انك ضربتها والدم ده منها صح.

اقترب منه ليمسكه من مقدمه ملابسه بعنف وهو يصرخ به:

- انتا اتجننت يا فريد، ازاي تعمل كده فيها، دي شروق عمرها ما قربت من حد ولا دايقته، بتحبك اكتر من نفسها وكان همها الاول والاخير انتا، في الاخر تكون دي جزاتها على حبها ليك ولينا.

نفض فريد يده عنه، وتحدث بعصبيه مفرطه:

- انتا بتدافع عنها ليه، دي واحده زباله، واحنا غلطنا اننا خليناها واحده مننا، كان لازم يوم ما اعرف انها بنت مدحت ارميها في الشارع، وكان لازم اتوقع غدرها ده من البدايه.

نظر له جاد بخزي:

-انا معرفش هي عملت ايه عشان تعمل معاها كده، وتتكلم عليها بالشكل ده، بس الي انا متأكد منه ان انتا ظالمها فاكر ساعه ما جودي قالت انك ظالمها، انا كنت واثق انك عمرك ماظلمتها، وجيت اتكلمت معاك وكان معايا حق انما المره دي انا واثق انك انتا غلطان وظالمها.

نظر فريد لجاد بلوم:

- عشان غبي يا جاد ،عشان تثق في واحده غريبه، وثقتك بأخوك تتهز، وهي ما تفرقش عن جودي في حاجه عملت نفس الي جودي عملته، خدت برشام منع حمل يا جاد كانهم بيتجمعو على انهم يكسروني ومش عاوزيني اخلف، انا غلطان وظالمها في ايه، ايه ذنبي اني عاوز ابقا اب قولي انتا .