ثق في الله عندما لا تسير الأشياء بالطريقة التي تريدها، الله لديه خطة أفضل لك.
Trust Allah when things don’t work out the way you wanted. Allah has something better planned for you.
_____________________________
بيبقا قاعد علي مكتبو في الشركه و ماسك صورتها و حزين جدا، بيسمع صوت خبط علي الباب بتدخل السكرتيره بعد ما بتخبط، مراد بيحط الصوره في درج المكتب بسرعه، بص للسكرتيره بغضب :
-هو انا مش قولت تخبطي و تستني لما اقولك تدخلي، هو انتي ما بتفهميش.
السكرتيره خافت من شكلو و هو غضبان:
- انا اسفه يا فندم بس مدام ريناد بره و طلبت ان تقابل حضرتك ضروري.
مراد بغضب اكبر:
- حتى لو فريد بره شخصيا ما يدخلش غير بأذن.
اتكلمت ريناد و هي واقفه وراها:
- ما حصلش حاجه يا مراد انا الي قولتلها تدخل لما انتا ماردتش.
بصلها مراد بضيق شديد:
- ياريت ما تدخليش، و انا بكلم حد من الموظفين، و انتي يا غاده اخر مره هحذرك.
غاده بخوفى:
- حاضر يا فندم بعد اذنك .
خرجت غاده، و ريناد قربت من مراد بجديه:
- مراد انا عاوزه اتكلم معاك في حاجه مهمه لو سمحت.
- و ده مكان شغل، لما اروح نتكلم يا ريناد
ريناد بعصبيه و غضب:
- انتا يا مراد بتجي متأخر و مبعرفش اكلمك و لما بتطلع بكون نايمه اعمل ايه عشان اكلمك.
مراد مسك ايديها و ضغط عليها، ريناد حست ان ايديها اتخدرت من الوجع:
- صوتك ميعلاش قدامي مره تانيه، و مش هكرر كلامي مره تانيه قولت نتكلم باليل يبقا تقولي حاضر و ترجعي البيت من سكات.
فكت ريناد ايديها بالعافيه منو بوجع:
- حاضر يا مراد، حاضر بس ياريت ترجع بدري، عشان انا زهقت من الوضع ده.
سابته و مشيت و هي متعصبه، و هو قعد على الكرسي بإرهاق، و هو بيفكر في حياته المستحيله مع ريناد.
___________________________
رجع من الشركه في معاد الغدا و طلع الاوضه بتاعه اولاده و دخل وهو بيتسحب علي طراتيف اصابعو، عشان سمر ما تحسش ان في الاوضه قعد يقلب في الدولاب بتاع الالعاب علي حاجه، و بعدها فتح دولاب اللبس و قعد يقلب فيه، فجأه سمع باب الاوضه بيتفتح دخل الدلاب بسرعه و قفلو على نفسو، دخلت سمر و هي شايله اولادها:
- حبايب مامي الي لازم يكلو حالا قبل ما بابا يرجع من الشغل و ياكل اكلهم.
خرج جاد مره واحده من الدولاب، سمر اتفزعت و مراد قعد يعيط عكس جاسم الي قعد يضحك اكنو شايف بهلوان، سمر شالت مراد و قعدت تسكت فيه:
أنت تقرأ
عشق اولاد الراشد 2 ( الجزء الثاني )
Lãng mạnلا تظل الحياه كما هي فالتغير سنه الحياه، والحياه مواقف و اختبارات، فهنيئاً لمن يجتاز الاختبار بدون خسائر، فما مصير اولاد الراشد...!!، هل سيسطيعوا ان ينجحوا بالأختبار....؟!، هل لديهم القدره علي مواجهة عقبات ومواقف الحياه....؟! هل سيصمد عشق اولاد الرا...
