الحياة هي كل تلك المشاكل والعقبات التي نواجهها فبدونها لا تسمي حياة.
Optimism is the winning horse in all races of life.
____________________________
بيدخل فريد الاوضه بتاعه مراد عشان يطمن عليه، بيلاقيه قاعد باصص للحيطه قدامه بشرود شديد، و الحزن باين على ملامحه، بيقرب منه فريد و بيقعد جنبه:
- اخبارك ايه يا بطل...؟!، اظن انهارده احسن مش كده و لا انا غلطان..!
بصله مراد بحزن :
- عمري ما هبقا كويس طول ما هي بعيده عني يا فريد.
بصله فريد بإستغراب:
- بعيده ازاي يعني، دي رجعت من السفر مخصوص عشانك، عاوز ايه تاني.
مراد اتعدل و بصله بإنتباه:
- مين رجع من السفر...؟!
فريد ببساطه :
- منار رجعت امبارح، و كانت هنا امبارح باليل، و جاد بيقول انك اتكلمت معاها كمان.
مراد بفرحه كبيره و هو مش مصدق نفسه:
- يعني انا مكنتش بحلم امبارح ان انا بكلمها، وهي كانت هنا فعلا.
حط فريد ايه على كتف مراد بحنان :
- لا ما بتحلمش يا مراد، هي كانت هنا، رجعت من السفر مع خالتك نورا.
اتعدل مراد بسرعه :
-انا لازم اروحلها حالا انا عاوز اشوفها يا فريد.
رجعه فريد مكانه على السرير تاني:
- ارتاح لحد ما الدكتور يشوفك و انا هكلم منار تجيلك.
مراد كان نفسه يشوفها اوي:
- عشان خاطري كلمها بسرعه.
- طيب هطلع اكلمها و ابعتلك الدكتور.
بيخرج فريد وبيطلب من الدكتور يدخل يشوف حاله مراد، وهل ممكن يروح معاه، وفعلا بيكتبله على خروج، بيطلع فونه و يتصل بمنار.
_______________________________
في الناحيه التانيه بتبقا منار قاعده مع وليد و ساميه بيفطرو، وليد بعتاب:
- يعني بقالنا كتير بنتحايل عليكي ترجعي، و بترفضي و يوم ما ترجعي ترجعي عشان الشخص الي سبتينا عشانه.
منار اتوترت جدا:
- انتا بتقول ايه يا بابا، مش كده انا ....
قاطعها وليد بجديه:
- مش معنى ان انا مش بتكلم معاكي يبقا مش واخد بالي انك بتحبي مراد و رجوعك اول ما عرفتي انه تعبان بيأكد كلامي، بس خلي بالك ، انا مش هسمح ان مراد يكون اكتر من ابن خالتك بس، اكيد فهماني يا منار.
أنت تقرأ
عشق اولاد الراشد 2 ( الجزء الثاني )
Romanceلا تظل الحياه كما هي فالتغير سنه الحياه، والحياه مواقف و اختبارات، فهنيئاً لمن يجتاز الاختبار بدون خسائر، فما مصير اولاد الراشد...!!، هل سيسطيعوا ان ينجحوا بالأختبار....؟!، هل لديهم القدره علي مواجهة عقبات ومواقف الحياه....؟! هل سيصمد عشق اولاد الرا...
