Always look forward and do not regret what you have missed🍂
.دائما تطلع الي الغد ولا تندم علي ما فاتك🍂
____________________________
بص فريد لجودي بشر، كانت واقفه مرعوبه من نظراته ليها، فضلت ترجع لوا وهو بيقرب منها ومش شايف قدامه، غير منظر شروق والي عمله فيها، كانت جودي هتجري مسكها من درعها وزقها على الارض، وفضل يضرب فيها بغل، حاول وليد وخالد وجاد يبعدها عنه، ما قدروش، جودي بقت عباره عن جثه هامدة، جسمها كله كدمات و راسها بتنزف، قربت منه يسرا بسرعه، وهي خايفه يكون حصلها حاجه من ضرب فريد ليها:
- عشان خاطري يا فريد كفايه هتموت في ايدك .
فاق على صوت يسرا وبصلها وهو بيصرخ:
- ما تموت ولا تغور في ستين داهيه، ياريت تكون ماتت عشان لو طلعت عايشه هخليها تتمنى الموت الف مره ومطلهوش.
يسرا بتحضنه وهى خايفه عليه وبتعيط:
- يا حبيبي انا مش خايفه عليها، انا خايفه عليك انتا، هتودي نفسك في داهيه عشان واحده ماتستهلش.
فريد بيبص لجودي الي مرميه على الارض:
- محدش يقدر يقرب مني ولا يأذيني، ولو مقدرتش اللاقي شروق فى اسرع وقد هقتلها ومش هتردد، ومش هاخد فيها ساعه واحده حتى.
بصتله يسرا وخافت من نظراته، بصت لخالد:
- خدها عشان خاطري يا خالد روحها وجبلها دكتور.
خالد قرب من جودي بسرعه وشالها، وطلع على بره بسرعه وراه منى امه، بدأ كل واحد ينسحب بهدوء عشان يسيبلهم مساحه، مراد كان مش مستوعب:
- انتا بتقول ايه يا فريد تقصد ايه بأنك مش لاقي شروق، ليه هي راحت فين...؟!
قعد فريد على اقرب كرسي ليه، وحط راسه بين ايده واتكلم بتوهان وندم :
- انا فكرت انها عملت زي جودي، مقدرتش اتحكم فى نفسي بعد ما كلمتني الدكتوره وقالتلى علي نتيجه التحاليل الي باين فيها انها بتاخد برشام منع حمل ،ضربتها وهينتها جامد وطردتها من البيت وحظرتها تقرب من البيت تاني.
مره واحده لقى مراد بيضربه فى وشه جامد بوكس، وقع فريد على الارض، راح جاد ناحيته وسنده عشان يقف، مراد بصراخ:
- هو ده الى انتا قاعد تقولهولى بلاش تبقا غبي يا مراد، بلاش تضيعها من ايدك، متخسرهاش يا مراد، وانتا يا فريد عملت ايه مع مراتك الي بتحبك والي كلنا شايفين هي بتعمل ايه معاك، ده انا من وجهة نظري كانت ان شروق مرات زوجه مثاليه، وان ربنا عوضك بيها عشان الي جودي عملته معاك، عملت ايه انتا في المقابل.
كان فريد واقف بيسمع مراد اكنه ابوه مش اخوه الصغير و بيهزقه على غلطه، مره واحده اتكلم بغضب:
أنت تقرأ
عشق اولاد الراشد 2 ( الجزء الثاني )
Romanceلا تظل الحياه كما هي فالتغير سنه الحياه، والحياه مواقف و اختبارات، فهنيئاً لمن يجتاز الاختبار بدون خسائر، فما مصير اولاد الراشد...!!، هل سيسطيعوا ان ينجحوا بالأختبار....؟!، هل لديهم القدره علي مواجهة عقبات ومواقف الحياه....؟! هل سيصمد عشق اولاد الرا...
