عشق اولاد الراشد 2 ( الجزء الثاني )

الفصل الثامن

A person may break your heart 💔and damage your pride ,😔
but never ever give them the power 💪to break your spirit✨

ربما شخص يكسر قلبك💔 و يخسرك كبريائك😔 ، لكن أبدا لا تعطيه القوة💪 أن يكسر روحك✨

_____________________________

بيخرج فريد ومراد لبره القصر، الحرس بيكونو جابو السواق الي شروق ركبت معاه، السواق بيبقا واقف خايف من منظر الحرس، بيقرب منه فريد بلهفة:

- في واحده ركبت معاك من قدام القصر ده من حوالي ساعتين.، وصلتها فين...؟!

السواق اتكلم بخوف:

- والله يا باشا بعد ما ركبت معايا فقدت وعيها، فودتها مستشفي، و معرفش راحت فين بعدها.

فريد غمض عينه بألم وهو بيفكر هو قد ايه اذاها، بيتكلم بعصبيه وخوف مقدرش يداريه:

- ودتها انهي مستشفى انطقك.

السواق كان خايف من منظر فريد:

- مختش بالي من اسم المستشفي بس هي مش بعيده عن هنا.

مراد، بتركيز:

- طيب مدخل المستشفى رخام اسود في ابيض.

السواق بسرعه ولهفه:

- ايوا يا بيه هي دي المستشفى.

بيطلع مراد مبلغ كبير من جبه بيديه للسواق:

- خد دول وامش انتا .

السواق فرح بالفلوس:

- ربنا يخليك يا بيه و يرجعلكو الهانم بالسلامه.

بياخد الفلوس وبيمشي، و مراد وفريد بيروح المستشفي بعد ما عرفو انها مستشفى الراشد، بيوصل فريد ومراد والمستشفي كلها بتقف على رجل واحده، فريد بيسأل في الاستقبال، والنت بترد عليه بالتفصيل:

- في حاله جت من حوالي ساعتين وكانت مضربه و.........

فريد بغضب شديد :

- انتي لسه هتحكيلي قصه حياتك انطقي هي فين دلوقتي....؟!

البنت بخوف:

في الاوضه الي اخر الطرقه دي على الشمال، بيروح فريد بسرعه، في الاوضه الدكتوره كانت بتكشف على شروق، شروق بتسألها بإستغراب:

- هي ايه الدوشه الي بره دي ...؟!

- ابدا يا ستي دول صحاب المستشفي هنا.

شروق بتسائل:

- هو احنا في مستشفى ايه ....؟!

-دي مستشفى الراشد التخصصي.

شروق قامت بخضه من مكانه:

-انا لازم امشي دلوقتي حالا من هنا.

فجأه الباب بيفتح، وبيدخل فريد بلهفة، اول ما بتشوفه بترجع لوا بخوف، و اتكلمت بزعر:

- والله انا كنت همشي مكنتش اعرف اني في المستشفى بتاعتكم.