كل ده كان ليه؟

١٣-حلم جميل

"كنت أظنها أياماً و تمضي، فإذا بها كانت حياتي".
(دوستوفيسكي).

يطالعها بتأثر يعلم أنه يظلمها بتراجعه بكل مرة و ها هي كالعادة تضحي لأجله بكامل إرادتها و برضى تام وهذا أكثر ما يؤلمه و لكن ما بيده حيلة، لم يعد يستطيع تحمل فقدان أحد آخر من أسرته، لم يعد يحتمل هذا الألم و لكنه يقسم أنه سيحيا لإسعادها و تعويضها عن كل ما عانت معه، يقسم قلبه ألا يتوقف عن عشقها لحظة و سيستمر بإغداقها بعشقه حتى يتوقف عن الخفقان، جذبها لصدره يضمها بقوة ثم لثم جبينها بقبلة تحمل الكثير من الإحترام والتقدير و العشق.

بعد قليل تركها و دلف لوالدته لينفذ ما اتفق عليه مع أحلام و لكنه تفاجأ بوالدته تهاجمه رغم مرضها و تُلقي بكلماتها اللاذعة:
"جاي ليه...عشان تصالحني بكلمتين؟...إسمع بقى الكلام اللي هقوله هيتنفذ و إلا هنفذه أنا بطريقتي....مش هتعيش بره بيت العيلة و الجربوعة بتاعتك دي هتتحبس في أوضتها متجتمعش معايا في مكان واحد، إن كانت فاكره إنه بطلبي إنك تجيبها البيت معناه إن بقالها سعر أنا هعرف أعرفها مقامها فين وهي مين و أنا مين..و إنت هتتجوز اللي تليق بيك...بنت أنا اختارتها ليك، صغيره و هتقدر تجيبلك ولاد و تبسطك...أنا هسيبلك بنت الشوارع بتاعتك مراعاة لتمسكك بيها و لكنها مش هتظهر معاك في مكان تاني و لا هيكون ليها أي دور...هتكون زيها زي أي بنت من بنات الليل تروحلها تاخد مزاجك و ترجع لحياتك و مركزك تاني...ده آخر كلام عندي و مش هرجع فيه كفاية قوي إني استحملت استهتارك و غباءك طول السنين دي و صدقني لو كلامي متنفذش يا مصطفى هتندم و هتندم قوي كمان".

كان يستمع لها بكامل هدوئه و عندما انتهت رُسمت ابتسامة على ثغره و قال بنبرة هادئة:
"خلصتي؟".

تطالعه والدته بغضب و ملامح حادة و لم تجيب فتنهد و أردف بذات نبرته:
"من انهارده أنا متنازل عن كل شيء، الشركة و العربيات و العيشة اللي الكل بيتمناها و متنازل حتى عن إسم العيلة العظيم..أنا مراتي هتعيش معززة مكرمة في بيتها الخاص بيها هي و محدش هيقدر يإذيها بكلمة بعد انهارده".

فرغت والدته فاهها بعدم تصديق و قد ظنت أنه سينصاع لها و يتراجع بالتهديد مثل المرات السابقة و لكنه فاجأها و لم ينتظر رد منها ألقى بكلماته و خرج كالعاصفة و قد نجحت بجدارة أن تُمحي هشاشة قلبه ورقته و يحل محلها القسوة و الجمود دون ذرة ندم و إشفاق على حالها، خرج بخطوات واسعة  وملامح جمود و غضب تعتلي وجهه، أمسك يد زوجته بقوة يجذبها و يتحرك بها بغضب يجرها خلفه مِمَ جعلها تطالعه بتعجب و ذعر من ملامحه و غلظته بإمساكها بعنف و كأنه لا يعي ما يفعل، تهرول معه و تحاول فهم ما يحدث:
"مصطفى  في إيه، إنت متعصب و واخدني فين كده.......طيب هو إيه اللي حصل.....مصطفى أرجوك إهدى شوية طيب هتوقعني".

لم يجيبها و لم يلتفت لها من الأساس، خرج بها من المشفى و توجه نحو سيارته فتح الباب لها و أجلسها وهي تطالعه بعدم تصديق لتصرفاته العنيفة ثم استقل السيارة و انطلق بها بسرعة مهولة جعلت عجلات السيارة تصدر صريراً إثر احتكاكها بالأرض أسفلها و لم يتفوه بحرف رغم محاولاتها لفهم ما يحدث، وصل بها للقصر و أمسك يدها يجرها أيضاً نحو غرفتهما، دلف بها الغرفة و اتجه نحو الخزانة يمسك بالحقائب يلقيها بغضب ويضب الأغراض بها بعشوائية، تتابعه أحلام بعدم فهم فسألته:
"إنت بتلم الحاجة ليه...إحنا مش اتفاقنا مش هنمشي....مصطفى عشان خاطر مامتك....أكيد لو قالتلك حاجه ضايقتك فده من زعلها منك بس...بس مينفعش تغلط نفس الغلطة تاني".