......................
يمر اسمه ويبتسم قلبي
من قال البعد يغير شي؟
..........................
الساعه 6:44 مساء يوم الثلاثاء
مدد جسمه وسحب كوب القهوه وشربه واستوعب انها بردت وهو يراجع بعض الاوراق :- اصلا احبها كذا احمم
تنهد وناظر الباب وزفر بغضب مو مستوعب انه طلب من سعود يجيه لمكتبه عشان عمليه ولده بس بكل بساطه سحب عليه
وقف وقرب من الباب وبيده قهوه وناظر اللي كان جالس ويتكلم مع افنان ومتحمسين
قرب منهم وتكتف يناظرهم لما حسوا فيه وسكتوا :- من تحشون فيه ؟
ضحكت افنان و وقفت وهي تعدل طرحتها :- دكتور ما نحش بس نتكلم عن جد سدن اللي جاء اليوم
ضحك سند بقوه وجلس جنب باسل لما حس بدوخه بس تجاهلها :- لحظه جد سدن حامد جاء؟
ناظروا بعض باستغراب قبل ما يوقف بسرعه ويرمي كوبه بالزباله ويمشي بخطوات سريعه لجناح سدن
باسل ناظر افنان قبل ما يركض يلحقه وهي وراه ومستغربه تصرف سند
قرب من الباب ابتسم وهو يرتب شعره ويعدل نظارته ودق الباب
سمع سعود يسمح له بالدخول ، فتح الباب وناظر سدن اللي منسدح بسريره ومكشر وجنبه آسر وسعود واقف قدامهم واضح كان يهاوشهم وبالاخير كان حامد جالس على الكنبه وبيده عصاته
ناظر حامد قبل ما يضحك بخفه ويقرب من سدن ويجلس قدامه ع سريره :- ايوه سدن حبيبي كيفك الحين بخير ؟
تنهد سدن وناظر ابوه بطرف عينه :- بكون بخير لو يبعد عني هو وابوه
كتم ضحكته ولف يناظر سعود اللي مسوي نفسه مشغول بطرف جاكيته الرسمي ويعدله وهو بداخله يتمنى يطلع بسرعه ولا ينتبه ابوه ان هذا سند نفسه
تنحنح ومسك يد سدن وهو يشد عليها ويتكلم قاصد سعود وحامد :- ما قالوا لك ان نفسيته قبل العمليه مهمه ولازم يرتاح ؟
ناظره سعود وهو يقرب منهم اكثر :- لا محد قال لي الحين نطلع كلنا ونخليه يلا آسر مشينا
وقف سند وتكتف يناظره بحده :- هل ممكن لانك بزر ورافض تجي لمكتبي نتكلم مثل الناس واقولك شنو تسوي و شنو ما تسوي؟
وقف حامد وقرب منه وهو يطبطب على كتف سعود :- اعذره يا دكتور كان مشغول وجا يستقبلني من المطار انا كنت بشغل برا وجيت عشان حفيدي
