استمتعوا يحلوين
تجاهلوا الاخطاء الاملائية
................
: ابعتذر عن كل شي الا الهوى
ما للهوى عندي عذر
.................
بدايه يوم جديد
بيت سعود
جالسين يفطرون ويطالعون بعض بصمت ، تنحنح سدن وناظرهم :- اليوم بروح للمستشفى اسوي تحاليل من يجي معي !
ابتسم له آسر وغمز بعينه :- انا اذا تبي
ضحك سدن لتصرف آسر وناظر عمر :- ممكن اذا عمر ما يبي يروح معي
بوز عمر ونزل كوب حليبه اللي كان يشرب منه :- الحين فيه آسر بتترك عمر
ضحكوا لكلامه بينما سعود ابتسم لتصرفاتهم ، وقف آسر وشال عمر جلسه فوق كتوفه وناظر سدن :- لا معليش ما اتفقنا كذا لازم يروح معي حبيبي
ضحك عمر لما بدا آسر ينط بمكانه ويمشي بسرعه وتمسك بشعره
التفتوا يناظرون ريما اللي توها تجي وجلست جنب سعود تناظرهم بهدوء غريب عليها
تنحنح سدن واشر بعيونه لآسر اللي نزل عمر بمكانه ورجع يجلس :- وش فيك ريمي ؟
تنهدت ريما وبدت تفطر :- مافيني شي
وقف سعود لنا خلص اكل وقرب من ريما وباس راسها :- اي احد يضايقك قولي لي
ابتسمت لابوها وهز راسها ، قرب سعود من عمر وباس راسه وخدوده وهو يسمع ضحكته لما دغدغته دقن ابوه
التفت لسدن وباس راسه قبل ما يناظر آسر اللي كان يبتسم لهم وقرب منه يبي يبوسه بس وقف وهو يأخذ شنطته ويتكلم مع سدن :- العصر موعدنا اذا جيت ونمت صحيني لا تنسى
توجه آسر للخارج بخطوات سريعه بينما سعود تنهد وناظر خلود اللي قربت منه وطبطبت على كتفه :- معليه صعب عليه الموضوع بمثل ماهو صعب عليك تحمله شوي
همهم سعود ومد لريما مصروفها وبعدها توجه لسيارته محرك لمركز شغله
.............
صحى بانزعاج وقفل منبه وناظر باب غرفته اللي مفتوح شوي وانتبه لسند واقف يسوي له شي بالمطبخ
بس اللي صدمه ان سند واقف ويهز خصره وكوب شاهي بيده ومسوي براوني قدر يعرف لما وصلت له ريحته
وقف وخرج من غرفه متوجه قبل ما يكتم ضحكته لما شافه لابس شورت اخضر وبلوفر اوفر سايز اسود و جواربه صفراء
