استمتعوا يحلوين
تجاهلوا الاخطاء الاملائية
...........................
أنا عاشق في هواك بس ما ارضى خضوعي
...........................
الساعه 6:01 صباحا
صحى عزيز بكسل غريب عليه ، مدد جسمه وناظر المكيف اللي تغيرت درجته وصارت دافيه
تنهد و وقف خارج من غرفته بعد ما فتح الشباك وقرب من المطبخ يناظر سند اللي طالب لهم فطور صحي وقاعد يسوي لعزيز بيض بدون اي اضافات وطبعا سلطه
جلس على الطاوله وسحب له خياره واكلها وناظر سند اللي جلس قدامه ومد له البيض وبدا يفطر بعد ما صب له كوب شاهي و لعزيز قهوه
تافف عزيز ونزل قهوته بعد ما خلص فطوره وتكتف وعيونه تناظر سند اللي مسوي نفسه مشغول باكله :- وبعدين بتتكلم ولا اقوم عليك ؟
ضحك سند وتنهد وهو يسوي له توست افوكادو :- بنتقم منهم
توسعت ابتسامه عزيز وشرب من قهوته وهو يرجع ظهره لورا :- ايوه هذي الاخبار اللي تفتح النفس للفطور
اكل سند لقمه وبدا يمضغها ببطء وهو يفكر :- طيب اللحين نسوي قائمه صح عشان نعرف اهدافنا ونحرص اننا نحققها
تنهد عزيز وسحب توسته سند واكلها :- يب بس هذي نسويها لما ارجع من المشكله اللي بروح لها وبس ارجع نحط بأول قائمتك ذي حامد الشايب الاجرب
همهم سند وحط يده تحت خده :- لازم تروح ؟ اسحب عليهم ياخي
ابتسم عزيز بسخريه و وقف قبل ما يلتفت لغرفته :- اي بروح بشوف حالته وارجع لك بنار انتقام اقوى نفس المسلسلات
تنهد سند وناظر عزيز اللي بس لابس بوكسره وتافف بصوت عالي :- يوووه عزيزان قلت لك لا تفصخ عندي مو من حلو جسمك تستعرضه
سمع ضحكته وقفل باب غرفته بقوه ، ابتسم و وقف بدا يرتب الاكل اللي فوق الطاوله اللي ما اكلوا منه الا شوي
سحب المق حقته وبدا يسوي له قهوه ساده وكثر الثلج فيها وتركها داخل لغرفته وسحب جاكيته الثقيل حاس ببرد بعظامه واضح بيمرض اليوم
خرج وناظر عزيز اللي لابس ثوب ابيض ومعه جاكيته و لابس كاب
عزيز لاحظ وجهه سند التعبان وقرب منه يلمس جبينه :- بوصلك للمستشفى وبعطيك بسيارتي دواء
همهم سند واخذ قهوته وقفل الشقه كويس ونزل بخطوات سريعه وركب جنب عزيز وسحب علبه المويه اللي مدها له واخذ الحبه و بلعها
