اتمنى تستمتعون و تتفاعلون .
..................
استلذ وانا اشوف ملامحك
..................
يوم الخميس الساعه 8:30 صباحا
دخل المستشفى وبيده كوب قهوه ، قرب منه باسل بس تراجع لما انتبه لملامحه الحزينه كيف ممكن تتغير بكم ساعه
وقف قدام غرفه دينا وفتح الباب يناظر للحين فيها العابها
انتبه للعبه صغيره اخذها وجلس على سريره وبدا يلعب فيها ، رفع عيونه لما حس بحركه قدامه انتبه لافنان اللي قربت منه وجلست بالسرير جنبه
ابتسمت له وقربت منه جوالها :- تبي ارسل لك الموقع تروح معنا لاهلها؟
وقف سند وناظرها بابتسامه :- لا افنان ما اقدر انا روحي بدالي و وصلي لهم اسفي و تعزيتي
خرج قبل ما يسمع ردها ناسي اللعبه بيده ، دخل وقفل الباب وراه ونزل كوب قهوته ولعبتها وجلس بكرسيه
تنهد ونزل راسه على المكتب وهو يحسه بينفجر من التفكير، فز بخوف لما حس بيد على كتفه
ناظر سعود اللي ابتسم له بتوتر :- حسبتك نايم
رجع يجلس ومسح وجهه بعد ما نزل نظارته وهو يدعي ما انتبه لدموعه
تنحنح ورفع راسه له :- وش تبي سعود؟
جلس على مكتبه قدامه وتكتف :- مابي شي جيت اتطمن عليك بس
تأفف و وقف وقرب منه و يناظره بعصبيه :- امس تقولي بتغيرني لدكتور ثاني لا اشوف نفسي شي وش جابك خلاص سدن وبخير كم يوم ويطلع معك لبيته
لف بيمشي بس سبقه سعود اللي مسكه من يده وسحبه يوقف قدامه وهو جالس بمكانه ما تحرك وحضنه ويده تسمح على ظهره ويهمس :- غلطك تظهر حزنك بعصبيتك ما يصير سند لا تسوي بنفسك كذا هذا يومها
بلع ريقه سند ومد يدينه يحاوط رقبه سعود ويشده وهو يدخل بين رجوله اكثر ويهمس :- صغيره سعود مره صغيره امس تضحك معي ومتحمسه تتعالج والحين يقولون لي اروح لدفنها
تنهد سعود ورفع يده لشعر سند ويمسح عليه تاركه يفرغ اللي فيه بعد ما سمع شهقاته دليل بكائه
....................
دخل آسر الغرفه وناظر سدن اللي منسدح ويسمع سوالف ريم المستانسه ومن الان تخطط تغير غرفته
